【增強免疫力】蟲草花淮山圓肉杞子雞腳湯

26 FEBRUARY 2018(MON)

突然口痕痕想食雞腳，但好諗唔到點煮好食，見天氣又凍凍地，所以就用蟲草花淮山圓肉杞子嚟煲雞腳湯，既可以過下口癮之餘，又可以嚟一個可以提高免疫力嘅湯水，打好個底咁就唔洗怕天氣時凍時熱易作病啦~ 

【滋潤保健】海底椰雪梨乾麥冬茶

24 FEBRUARY 2018(SAT)

還記得上次去摘士多啤梨時，我地路過雲泉仙館對出嘅小市集，八八卦卦嘅我就當然去行下，就係咁我又跟左店主伯伯學煲一個涼茶啦~

【跟廚師整意粉】Pizza Express新鮮彈牙意粉

23 MARCH 2018(FRI)

今日同小小豬應邀嚟到尖沙咀Pizza Express睇下新鮮彈牙意粉嘅製作方法，雖然我同小小豬都唔係食家，不過就好鐘意八八卦卦啲食物係點樣製造，所以就齊齊嚟見識一下彈牙意粉係乜東東啦~

【清心滋潤】蘋果粟米無花果湯

22 FEBRUARY 2018(THU)

新年期間每日同奶奶食晚飯時，每次臨走都俾好多大大粒水果小小豬食，屋企有咁多靚水果食都食唔得切，當然唔好浪費用埋嚟煲湯俾小小豬飲。所以今次就煲咗一個清心潤肺同埋可以滋潤肌膚嘅蘋果粟米無花果湯，等我哋三口子齊齊滋潤下啦~

【消滯潤肺】羅漢果山楂紅棗茶

21 FEBRUARY 2018(WED)

今個新年真係好口福，基本上由年三十晚就食到年初五，日日都糕糕糕加大魚大肉，所以都真係有少少飽飽滯滯，所以趁今日有時間就煲番個羅漢果山渣紅棗茶，紓緩下個胃，消消滯之後就再食過。

哈哈哈….食得是福嘛~ 

【新春郊遊記】開開心心摘士多啤梨

18 FEBRUARY 2018(SUN)

終於嚟到我同小小豬都期待而久嘅活動，就係可以嚟摘士多啤梨啦~

【新春郊遊記】再嚟田園摘菜樂

18 FEBRUARY 2018(SUN)

由年三十晚開始就忙足三日，原本今日都繼續要去奶奶屋企食晚，不過小小豬唔知係邊度睇到話年初三係赤口，唔可以去拜年，所以強烈要求唔好去，話會有唔開心事發生哦(其實....點解新年假期仲忙過平時，不過唔緊要啦，同親友拜年都係一件開心事嚟嘛！)。

一向愛豬號Daddy就緊係聽個寶貝仔話(小小豬講一句好過我講十句...唉)，所以就三口子搵節目去玩啦。就係咁我地就嚟個新春郊遊記，再嚟田園摘菜樂啦~

【增強免疫力】竹蔗蘋果魚腥草茶

15 FEBRUARY 2018(THU)

所謂不時不食，就連湯水都係同一個原理，依排係街市的濕貨店見到有好多新鮮魚腥草，當時令就緊係買嚟煲下涼茶俾兩位老細飲啦。

其實我上年都煲過差不多的，今次店主姨姨就教我加埋個蘋果一齊煲，佢話煲出嚟更加甜，小朋友就更加鐘意。有人教路我就緊係受教，所以就買齊材料煲依個竹蔗蘋果魚腥草茶啦~ 

【入迪士尼賀新年】玩轉新春市集

14 FEBRUARY 2018(WED)

因為小小豬提早新年放假，所以我都打亂晒我嘅陣腳。原來打算返學之後我就係屋企大洗特洗，點知最後就係要佢悶悶的留左係屋企兩日等我，所以就趁我做好晒所有新年任務之後，就同佢入去迪士尼玩返一轉啦~

【學做一個消防員】參觀中區消防局

10 FEBRUARY 2018(SAT)

每一次見到有大型嘅消防局參觀時，我都好想同小小豬去玩，不過....一諗起好友提及過佢嘅經驗，都會令我卻步。因為我真係好怕人多又迫嘅環境，最重要係好怕排得隊嚟又冇時間玩，所以次次都係得個想字。

今次就因為DADDY見到有社區中心舉行參觀活動，所以終於都可以同小小豬嚟參觀中區消防局啦~

【大玩特玩】再戰AIA友邦歐陸嘉年華

8 FEBRUARY 2018(THU)

話說我地第一日開幕時都有嚟玩(按此重溫)，因為當日小小豬身體狀態麻麻，所以我地玩左一陣就要走，都有點未夠喉。原本打算之後嘅聖誕新年假期嚟玩，不過嗰排又天氣勁凍，都係唔好博，一陣吹病左仲大件事。

最後終於等到好天氣好時候，趁放農曆新年假期就嚟玩一轉啦~

【攪攪新意思】自家制和菓子

5 FEBRUARY 2018(MON)

話說我成日都好想整啲得意嘅公仔甜品等小小豬可以食得更加開心，但係......叫我快手快腳咁煮飯煲湯都叫做可以，但慢慢細心咁整個公仔樣出嚟，都真係有點難度(都唔係有啲，係勁有難度)，印象中我唯一一次成功嘅就係依個大吉湯圓(按此重溫)，其他嘅唔係爆皮就勁醜樣，所以大家都好少見到分享依啲公仔食品。

不過今次終於有返少少成功感，因為嚟左好友新開嘅工作室，跟佢學整左和菓子，睇下我嘅完成品都算見得下人呀~

【小廚師出動】輕輕鬆鬆煎糕糕

4 FEBRUARY 2018(SUN)

今日小小豬又化身成為小廚師，用BRUNO煎蘿蔔糕，為新年作好準備呀~

【產品試用】Timeless Organics 抗老化修護套裝

2 FEBRUARY 2018(FRI)

依排啲天氣除左攪到身體難適應，就連面嘅皮膚都變得乾乾的，就塗粉底都唔貼面，都真係幾咩心情都冇晒。今次又有機會試下Timeless Organics嘅抗老化修護皇牌套裝，唔知可唔可以幫我做返一個靚靚地嘅傻媽呢~

【止咳化痰】龍脷葉枇杷葉桔餅茶

1 FEBRUARY 2018(THU)

依幾日我都有點點作病，有少少咳又有啲痰困住咁，都真係唔多舒服。趁初起就當然係煲啲止咳化痰嘅湯水飲下，希望可以順下啖氣。

原本都係打算去買少少龍脷葉嚟煲蘋果湯，不過藥材店店主就介紹咗我煲依個龍脷葉枇杷葉桔餅茶，佢話可以快啲清下啲痰，咁次次佢介紹都唔錯，所以就聽話執一份材料試下啦！