【澳門親子之旅】偽文青之井井三一繪本書屋

26 JANUARY 2017(THU)

依家澳門真係越嚟越多親子消閒活動，除左一啲動態活動之外，當然就唔少得文靜一面，所以就帶小小豬嚟到依間開業一年多嘅井井三一繪本書屋，扮下偽文青吸收一下文化氣質啦~

 

其實我又點會咁叻搵到依個好地方，就係一次同魚子媽講開澳門親子活動，佢就介紹左依個正地方俾我。小小豬一向都好鐘意睇圖書，知道有依個好地方就當然好想嚟睇一轉，所以就係今次嘅澳門之旅加插依一個啱晒兩位老細嘅行程啦！ 

三三井一兒童繪本書屋就係位於澳門聖祿杞街31號，其實我都真係唔多識路，不過好在事前問左係澳門工作嘅舅父仔，我地搭巴士去到水坑尾站，然後開手機沿住GOOGLE MAP提供路線，行左大約十分鐘左右就到啦！

【澳門親子之旅】澳門燒灰爐公園玩電動車

26 JANUARY 2017(THU)

玩完天鵝水上單車之後(按此重溫)，我地就轉戰陸地，帶小小豬去玩轉電動車啦~

其實我初時都冇特定安排依個活動，當我地離開天鵝碼頭時，那位管理員叔叔問我地係咪準備去玩電動車(可能見到我地啲行李，知我地係遊客)。車控豬一聽到個車字，對眼就即刻發光咁，然後細問之下，原來那個燒灰爐公園離南灣湖畔都好近，行過都唔洗十分鐘，所以就帶小小豬去玩一轉啦！

【澳門親子之旅】南灣湖畔暢玩天鵝水上單車

26 JANUARY 2017(THU)

自從睇左澳門旅遊局嘅親子玩樂介紹，見到佢地係個湖上玩住靚靚天鵝水上單車真係好有feel，所以我就計劃下次嚟澳門一定要嚟玩返轉。終於機會嚟啦，趁我地今次嘅失驚無神澳門之旅，第一個玩樂點就係享受一下啦~

 

點解今次叫做失驚無神澳門之旅？遲少少先話俾大家知。由於我地今次就係住氹仔酒店，所以安排活動方面就會第一日係澳門市玩，第二日先留係氹仔。我真係期待嚟南灣湖玩天鵝水上單車，所以一落船就即刻拎埋晒啲行李就去玩啦！ 

坦白講，澳門啲路真係唔識分，佢地啲名又古古怪怪咁，所以我都真係唔多識路。好在有澳門返工嘅舅父仔，我想去邊度玩就一早SEND俾佢，佢幫我搵定搭咩車，之後再加埋GOOGLE MAP，就可以識得去玩啦！ 

【愛心午餐】小小豬的第三周愛心便當

25 JANUARY 2017(FRI)

哈哈哈...又嚟到愛心便當，寫依啲愛心便當系列主要都係紀錄下自己整過咩傻便當，等自己開心下之餘，又可以繼續有動力去整靚靚便當！

今個星期抵呀，因為農曆新年將至，所以都只係需要整三日就得啦...哈哈哈~

 

【試用分享】Fleurance Nature 有機蜂皇漿賦活抗皺全效精華

24 JANUARY 2017(TUE)

感謝荷花集團嘅邀請，有機會試用Fleurance Nature嘅有機蜂皇漿賦活抗皺全效精華，我都用左一段時間，等我同大家分享下個試用效果先~

 

【攝取充足DHA】LifelineCare嬰幼兒魚油

23 JANUARY 2017(MON)

其實小小豬都唔係唔食嘢，佢嘅食量都真係勁過我，加埋我成日都煲湯俾佢飲，我都唔明白點解佢好似唔識長肉咁，骨杉杉又周身冇肉，有時都真係幾沮喪。清醒過後，明白每個小朋友發展都有唔同，只要佢時時刻刻健康，咁都已經唔錯呀！

話雖如此，內心深處都好想小小豬多多幾兩肉，所以都有買啲保健產品俾佢服用，尤其佢依家六歲仔，將會開始換牙，等佢可以加強一下體質嘛！

我都曾經買過好幾款嘅魚油俾佢，食極都好似差唔多咁，今次經BK MILK介紹，認識左來自挪威嘅LifelineCare嬰幼兒魚油，所以我就俾小小豬試下先~
 
當然我俾小小豬服用之前，我都一定會做功課，上網研究下個產品成份，因為始終都係食落肚，都一定要小心嘛！ 

【屬於小朋友嘅年宵】“反”斗年宵玩具市集

22 JANUARY 2017(SUN)

話說上年小小豬嚟過玩具“反”斗城參加過「“反”斗合家歡年宵派對」之後，佢一直都對年宵念念不忘(緊係啦....任玩玩具又可以贏小禮物，絕對係小小豬杯茶呀)，成日都問我幾時再有得去玩年宵。

新年將至，正當我仲擔心今年唔知有冇年宵之際，就收到玩具“反”斗城邀請，所以我地今日又可以去行年宵啦~

 

今年年宵分別會係三間分店舉行，包括尖沙咀、銅鑼灣及沙田店，大部分嘅年宵攤擋都會以小朋友最鐘意嘅遊戲為主，好似有Hello Kitty、Barbie、Thomas & Friends、大熱嘅「星夢學園」、「妖怪手錶」、新奇好玩的Mattel Games、Hot Wheels、「假面騎士鎧武」等等。 

我地今日嚟到尖沙咀分店玩年宵遊戲，都有大約十幾個小攤檔，設有唔同種類嘅玩具及小遊戲俾在場嘅小朋友免費任玩，每個攤檔都好吸引，所以一向有選擇恐懼症嘅小小豬唔知玩咩先呀，不過好在有SY哥哥陪住佢，就跟住去齊齊玩啦！

【增強抵抗力】魚腥草竹庶茶

21 JANUARY 2017(SAT)

今日約左朋友去油糖TEA時，見仲有少少時間我就入去街市八卦下，就係咁我又學識煲多款既可以滋潤降火，又增強抵抗力嘅魚腥草竹庶茶。聽左店主介紹，又好似幾好咁(最重要就係唔難煲)，所以就請佢幫我執左一份材料返去煲俾兩位老細飲啦~
 
今次嘅主角就係魚腥草，其實我之前都只係聽過，但就真係完全冇接觸或者有諗過用嚟煲涼茶。聽店主講原來魚腥草係非常好，可以話係天然第一抗生素，飲左就可以增強免疫力，同時照顧我地嘅呼吸系統，而且亦具有消炎作用，所以對感冒、傷風、咳嗽及喉嚨發炎都好有幫助。 

煲嘅同時加埋青橄：對喉嚨有消炎消腫；糖冬瓜：清熱降火，稀釋濃痰易咳出；竹庶：清熱降火、生津止喝，所以煲出嚟就會非常清甜而且仲好有益，大人同小朋友都啱飲呀！ 

【愛心午餐】小小豬的第二周愛心便當

20 JANUARY 2017(FRI)

經過上星期教師發展日小小豬放早唔洗係學校食午餐，我休息左一星期之後，今日又再開妝始我嘅工作，為小小豬繼續準備愛心便當啦~

 

【清熱解毒】牛大力土伏苓粉葛豬骨湯

19 JANUARY 2017(THU)

依排天氣都總係帶點點潮濕，依啲天氣又真係好容易令人皮膚搔癢，而且又會成日都好似易倦兼腰痠背痛，所以今日去街市買材料煲時，店主就介紹我煲依個牛大力土伏苓粉葛豬骨湯啦~
 
其實一聽到個名就好似好複雜，我初頭都有啲抗拒，打算簡單買個紅菜頭嚟煲就算。不過店主又好詳細咁同我介紹，一聽到話可以祛濕解毒，好啱濕疹人仕飲，我已經有一半興趣。再聽埋話佢會幫我切好晒，返屋企只係沖洗一下就煲得，所以就請店主幫我執一份材料試下煲啦！ 

【暖身補身】黨參北芪瘦肉湯

18 JANUARY 2017(WED)

突然好想飲湯，但又冇乜諗頭煲咩好。依個時候最好就係去相熟藥材店，請店主介紹下合時靚湯啦！ 

店主話嚟緊天氣開始凍，最好就係煲多啲補而不燥嘅暖身湯水，就係咁佢就幫我執左一份藥材，我就煲個黨參北芪瘦肉湯啦~

黨參補中益氣、生津養血；北芪有補氣固表之用；杞子則滋腎、潤肺、補肝、明目(網上資料)。

今次份量唔係太多，煲起大約有五碗湯左右，不過咁都夠晒我地三口子啦！

【清熱下氣】西洋菜陳腎紅蘿蔔湯

17 JANUARY 2017(TUE)

係街市見到啲靚靚西洋菜，又令我好想飲西洋菜湯，所以就買齊材料煲返一個西洋菜陳腎紅蘿蔔湯~

 

其實西洋菜湯除左好好飲之外，其實都好有益。西洋菜性涼，含植物性纖維和多種維他命另外，仲有清熱潤肺、助咽喉炎、氣管炎、肺結核、扁桃腺炎及百日咳等的功效。特別屬於燥熱性的咳嗽，療效更為明顯。(網上資料) 

加埋陳腎同紅蘿蔔一齊煲，咁就可以清熱下氣、化痰止咳之外，咁就可以滋潤得來而又不寒不燥，啱晒一家大細飲呀！ 

【化痰止咳】印度椰子川貝鱷魚肉湯

16 JANUARY 2017(MON)

印度椰子我都真係成日煲，冇法啦….因為有益之餘(又有 化痰止咳 、潤肺清熱同埋滋陰養顏嘅功效)又超香椰子味，真係啱晒我依個椰子控~

 

早幾日見到有朋友仔介紹左一個靚湯，將印度椰子加埋鱷魚肉乾、川貝同埋海底椰，咁就可以預防氣管敏感同埋咳。

之前買落嘅鱷魚肉乾一直都唔知點煲好，見屋企又有一粒印度椰子，加上今晚奶奶又上嚟食飯，所以就嚟試下煲依個印度椰子川貝鱷魚乾湯啦！ 

【清熱下火】芫茜皮蛋鯇魚片湯

15 JANUARY 2017(SUN)

行過菜檔見到有一扎扎嘅靚芫茜，所以我又的起條癮好想飲湯，所以就嚟個快靚正兼又可以清熱下火嘅芫茜皮蛋鯇魚片湯啦~
 
話明係快靚正，就當然係勁方便，整個過程30分鐘都唔洗，完全係啱晒我依啲想飲就飲嘅人。簡單得嚟又有益，因為依個湯非常清熱下火，仲對初起感冒和喉嚨不適者有幫助呀！ 

【新年買新內衣是常識吧】周秀娜自家內衣品牌 LAANAA誘變

13 JANUARY 2017(FRI)

新年買新內衣是常識吧！ 

其實我自己都幾怕入內衣店，唔知點解都總係帶點尷尬，所以每次我都只係會去買開嘅店舖，以九秒九完成購買過程。之前都聽過周秀娜開左一間自家內衣品牌 - LAANAA，想去八卦好耐，不過都係唔敢....。

今次朋友話全店做緊大優惠，大部分買一套送一套，有啲仲甚至低至$50一套。最重要係....今次朋友仔約埋我一齊去，有人陪就當然要去八卦一番，兼入貨啦~

【老少咸宜新玩意】喜雀遊樂園@朗豪坊

12 JANUARY 2017(THU)

農曆新年傳統節目之一，當然就係約埋一班親戚係拜年時順便開枱娛樂一返啦！

不過....好似我咁唔識打麻雀咁又點算好，咁就要嚟一轉朗豪坊，因為今年4樓通天廣場就化身成為喜雀遊樂園，絕對係老少咸宜新玩意呀~

由於我地屋企都冇打麻雀習慣，所以小小豬都唔知依啲係咩嚟，佢嚟嘅目的就係玩兩大小遊戲！

當然係未玩遊戲之前，難得今日小小豬著得咁有型，趁佢未玩到變傻之前，就一定要同小小豬影轉相先。雖然以麻雀為題，但都有好多影相靚位，絕對係打卡呃LIKE之選呀！

【去公園取西經？】西遊記主題嘅鳳德公園

11 JANUARY 2017(WED)

之前聽朋友仔話黃大仙有個好特別嘅公園，見嚟開黃大仙，所以就帶小小豬嚟鳳德公園睇下有幾特別啦~

鳳德公園有幾特別？其實佢地就係以西遊記為主題而建成，公園內大部分設施及環境都係圍繞著西遊記故事嚟設計，香港又真係好似冇乜依啲有主題嘅公眾公園哦！

【癲噹化身小財神】癲噹陪你玩轉香港情懷@荷里活廣場

11 JANUARY 2017(WED)
新年除咗有年花之外，又點可以少得人人都想攬住嘅財神呢？ 為迎接雞年，荷里活廣場搵左可愛嘅癲噹扮財神，帶埋佢嘅新朋友仔「雞蛋仔」，陪大家齊齊賀新年呀~
 
其實係今個農曆年，荷里活廣場嘅一樓大堂就搖身一變，大玩老香港情懷，充滿懷舊之餘亦充滿節慶嘅氣氛，而且仲有癲噹同佢嘅新朋友雞蛋仔，陪大家齊齊影靚相呀！

【神奇止咳】洋蔥蘋果水

10 JANUARY 2017(TUE)

依排天氣都真係唔知想點，上星期就好似夏天熱熱的，今日又開始翻風，星期六仲話會得十幾度，真係天氣過山車，所以大家都要小心身體，新年將至...千其唔可以病呀！

小小豬依排都有幾聲痰咳聲(我估都係早前為食之過，食左好多雪糕啦！)，有朋友仔知道小小豬咳就俾左一個古方我，話佢個囡囡飲左兩次之後就止晒啲咳，佢叫我試下整俾小小豬飲。

有佢嘅成功經驗，再加上屋企又有齊晒三樣材料，所以就試下依個洋蔥蘋果蒜頭水啦~

  
其實只係三樣材料就可以止咳，聽落又真係好似好神奇，不過其實洋蔥水之前都有好多朋友介紹過話係好有效，就連嚴浩都有介紹過。今次朋友仔依個古方就加左同樣可以殺菌嘅蒜頭，同埋又有蘋果嘅甜味，咁就即係變左勁易入口嘅甜水啦！ 

其實之前一直唔試整洋蔥水，不過就好怕個味小小豬唔鐘意，煲左唔飲就即係浪費我啲心機，依家有左蘋果味，小小豬都應該唔抗拒，所以就試下。 

【賀年新玩意】變身Hologram利是封@新城市廣場

9 JANUARY 2017(MON)

依個星期小小豬學校教師發展，所以放半日，就係咁……我地又有多一個星期下午時間去玩啦！ 

放學後就快快手做完功課，之後就向沙田出發，因為我地應邀嚟新城市廣場參觀佢地嘅新年佈置「花語祝福」~

 

【愛心午餐】小小豬的第一周愛心便當

6 JANUARY 2017(FRI)

唔知幾時應承過小小豬，2017年開始就會為佢準備愛心飯盒做午餐，原本都打算不了了之，但小小豬一向記性好，佢又點會放過我呢。睇左好多討論區媽媽們嘅意見(真係。。升小學我都冇去刨啲論壇)， 終於買到個啱心水嘅保溫飯盒，2017年首要任務就係做送飯媽媽~
 
依個小小豬仲過份到，要我每日整靚靚便當俾佢做午餐，唔通佢真係認為我好得閒。平日教小小豬都係要盡力去做每件事，所以既然答應左，我就要努力做好。一向冇乜藝術天份，要整個便當都有點困難，不過我都要用我最大嘅努力去整啦！ 

【返學拜年好幫手】Brother卡通標籤機

6 JANUARY 2017(FRI)

一份小小豬收到好興奮嘅新年禮物，讓小小豬可以想重新擁有Brother標籤機，佢一見到部標籤機就不停傻笑添~

其實小小豬係幼稚園時都曾經擁有一部鬆弛熊標籤機，當時佢就唔都已經愛不惜手，日日拎住部標籤機嚟玩，當正係佢自己部電腦咁(當然4歲嘅小小豬就唔識分...哈哈哈)。亦都因為咁....為免佢繼續亂按整壞，所以我地就轉贈左當時剛升小一嘅朋友仔。 

不過....唔知係唔係小小豬記得小一就可以擁有返部標籤機，所以佢成日都問我幾時可以再有標籤機，仲話好想整啲公仔標籤貼係文具...小息袋。就係依個時候收到最新款嘅LINE標籤機，佢仲唔開心都傻左！

【扮靚體驗】DR REBORN Infusion 緊緻活肌面部療程

5 JANUARY 2017(THU)

扮靚就係每個女仕都想，雖然我係全職傻媽，平日見得最多都係一班小朋友，都唔洗咁靚啦。不過扮扮除左係俾人睇之外，唔多唔少可以增加自己嘅自信心，個人靚啲....都開心啲啦！

我一向唔多去啲美容體驗活動，不過今次收到DR REBORN邀請時，又有點點心動，認真考慮之後，最後嚟體驗DR REBORN嘅Infusion緊緻活肌面部療程啦~

【清甜滋潤】無花果雪梨乾瘦肉湯

4 JANUARY 2017(WED)

依排喉嚨乾乾的，打開食材櫃見到上次買嘅一大包雪梨乾，所以飲湯癮又嚟，所以就簡簡單單咁煲過清甜又滋潤嘅無花果雪梨乾瘦肉湯啦~

 

雪梨乾可以生津解渴，雪梨本身係寒涼之物，但經過烤焗之後嘅雪梨乾就會潤而不寒，大人同小朋友都啱飲呀！

【滋潤之選】鮮雪耳蘋果雪梨湯

3 JANUARY 2017(TUE)

由肥媽節目到近期嘅阿爺廚房，睇見佢地都有用新鮮雪耳嚟煮餸。其實我都不知幾想又跟風買嚟煮下，不過屋企附近又冇得買，所以一直都只係得個想字。終於前幾日同老公去行九龍城時，係街旁嘅有機店俾我見到，我當然就係諗到唔洗諗買左一朵返屋企煲湯啦~

 

【滋潤糖水】蓮子百合紅豆沙

2 JANUARY 2017(MON)

前幾日同老公家人屋企人出街食飯，老公一見到碗紅豆沙糖水就好似好有感觸咁，攪到成村人都以為我冇煲過咁，真係激C我。

其實我又唔係冇煲過，只係N年冇煲啫，有見及此我就即刻買齊材料，煲返個蓮子百合紅豆沙俾佢先得~  
其實我前都真係煲過兩次，不過嗰兩次火喉都未到家，而且我自己又唔太好紅豆沙，煲左一鍋又食唔晒好傷我嘅自尊心嘛，所以就冇再打算煲。既然今次有人曲線投訴，所以就煲返一次嚟威威啦！

由於我都只係打算煲俾老公飲，所以份量我係少左，依個煮成大約三碗啦！

【設計專屬自己的用具】個人化卡通精品Personali-Station

31 DECEMBER 2016(SAT)

還記得早前去玩具“反”斗城聖誕 MEGA CHRISTMAS時(按此重溫)，小小豬就己經自己設計左一隻杯，不過佢嘅多目標就當然唔止依個，佢極度期望可以整一個THOMAS門牌。見出開尖沙咀，所以就同佢整返一個，滿足一下佢啦~

【化痰止咳】羅漢果西洋菜瘦肉湯

30 DECEMBER 2016(FRI)

係街市見到啲靚靚西洋菜，又令我好想飲西洋菜湯，所以就買齊材料煲返一個化痰又止咳嘅羅漢果西洋菜瘦肉湯啦~
 
其實西洋菜湯除左好好飲之外，其實都好有益。西洋菜性涼，含植物性纖維和多種維他命另外，仲有清熱潤肺、助咽喉炎、氣管炎、肺結核、扁桃腺炎及百日咳等的功效。特別屬於燥熱性的咳嗽，療效更為明顯。(網上資料)