【親子沖繩體驗之旅】美麗海水族館

25 JUNE 2016(SAT)

終於嚟到行程中另一個兩父子都好期待嘅節目，就係去海洋博公園入面嘅美麗海水族館參觀，因為佢地兩父子都好鐘意睇魚呀~
 
DADDY鐘意魚都唔係新鮮事，佢成日都話睇住啲魚游來游去，穿插係海草間係好好睇，又話睇完心情都會好啲(SORRY.....我仲未去到依個層次....哈哈哈)。

由於屋企有養魚仔關係，所以小小豬都感染到對魚有點興趣，所以當知道有得去沖繩最大嘅海水族館，佢都好興奮呀！ 

沖繩美麗海水族館其實係位於海洋博公園入面~

 

沖繩真係咩地方都可以俾小朋友玩，就係海洋博公園入口就有一個小型水池免費俾小朋友任玩，小小豬路過都好想去玩，不過因為我地趕住去海豚館睇表演，所以望幾眼就要走啦~ 

 

哈哈哈...雖然有點趕時間，不過都要係指定位置影張到此一遊相嚟紀念下~ 

 

原來海洋博公園都真係幾大，分區都幾多，小小豬當然第一時間睇地圖~ 

 

除左單張地圖之外，場內仲有一個電子地圖，仲會有埋展區嘅小簡介(當然係日文啦)，不過睇圖片都可以知道展區一二~ 

 

當我地行去海豚館睇表演時，沿途景色又真係令人眼前一亮，點解沖繩嘅藍天白雲可以咁靚呀~ 

 

時間剛剛好，我地嚟到海豚館就開始表演啦~ 

 

可能剛剛同海豚玩完遊戲，所以小小豬睇得特別肉緊，眼甘甘咁望到實一實，仲不自覺咁同海豚做埋同一動作，真係俾佢笑C呀~ 

 

但啲海豚又真係好叻，表演得好精彩，睇到大家拍手不絕呀~ 

 

睇完海豚表演，我地就行返去沖繩美麗海水族館，入去睇魚仔啦~ 

 

一入場第一個位置就係可以同海星嚟個親密接觸，不過放心...場內係可以俾大家摸海星，只要溫柔兼唔將海星離開水面就得啦~ 

 

親親海星之後仲有設施等大家洗洗手添~

 

入到水族館都見到好多唔同種類嘅魚仔，因為遊人都幾多，都唔可以慢慢睇，不過沿途睇啲魚真係好多，加埋個場景設計，又真係幾特別哦~

 

我地搵到個有利位置，佢地兩父子就可以慢慢睇啦~ 

 

有個DADDY好似仲開心過仔咁，不過依個DADDY又真係好鐘意睇魚仔呀~ 

 

除左大型魚缸之外，仲有啲特式細細魚仔~ 

 

每一格就有唔同特式，好鐘意啲水母，真係好靚呀~ 

 

仲有鯊魚呀，咁睇又好似冇電視嗰啲咁恐佈哦~ 

 

嚟到精華所在，一整片玻璃望入去，真係好莊觀呀~ 

 

其實除左海豚館同水族館之外，仲可以睇到好多唔同種類嘅海洋動物，不過因為時間所限，我地唔可以去睇埋，期待下次可以再嚟睇啦~ 

 

下次再嚟唔止去睇動物，因為海洋博公園內仲有一個啱小朋友玩嘅繩網區，見小朋友玩得好興奮，我想一定好好玩，愛玩嘅小小豬一定好鐘意呀~ 

 

聽人講沖繩嘅天氣可以話係變化幾大，我終於感受到了，因為嚟玩之前個天色都好好，但當我地準備離開時就開始見到黑雲，臨上旅遊巴仲落左一場大雨添~ 

 
好在都係短短一場過雲大雨，我地等左一陣就停雨了，大家就準備回酒店，休息過後就去酒店餐廳內食一個豐富晚餐啦！

**我地的FACEBOOK PAGE，齊齊來交流親子。育兒。烹飪啦**