【龍蝦灣係咪有龍蝦？】即興龍蝦灣之旅

3 JULY 2016(SUN)

究竟龍蝦灣係咪真係有龍蝦呢？依個問題小小豬就由出發開始一直不停問， 最終佢又搵唔搵到龍蝦呢…哈哈~
 
其實今日依過龍蝦灣之旅真係可以話係突發， 事緣同屋企人飲完茶之後，伯父問小小豬有冇興趣去玩水捉龍蝦，所以我地就即興去玩啦！ 

其實龍蝦灣只係佢個名，又點會有龍蝦捉呀，伯父同小小豬開玩笑。不過有得去玩，感受下陽光，我當然非常樂意奉陪。好在平日都有啲沙灘玩具係車上，所以就可以興奮跟隊去玩了。


龍蝦灣係西貢近清水灣嗰邊，我地渣車沿住去 清水灣郊野公園方向行，不過就唔轉上山，左轉入龍蝦灣路，駕駛約5分鐘左右就到。

之後沿小石級就可以落到龍蝦灣石灘啦~

 

雖然只係一個細細嘅石灘，不過個VIEW真係好靚，吹下海風人都舒服啲。聽大伯講望出去就係南中國海，個水質都唔錯，唔怪之得可以吸引到咁多人嚟依度浮潛同釣魚~ 

 

小小豬又點識得同你感受個環境，佢一見到個海就唔理咁多，衝去玩水及拋石仔啦~ 

 

石灘啲水都好清澈，感覺都好乾游，就算唔游水，浸住腳都一樣好舒服呢~

 

平日小小豬都好鐘意玩拋石仔，見到咁多大大細細嘅小石頭俾佢慢慢揀嚟拋，仲唔開心到頂點呀~

難得嚟到，當然要捉小小豬係啲大自然風景下影相~ 

最後小小豬仲大膽地要行上小石山度望望遠處風景，當然大膽豬就一啲都唔驚，驚嘅只係愛豬號DADDY，所以我地企左一陣返落去啦~

 
雖然只係一個細細石灘，可以玩嘅活動真係唔多。不過其實係玩樂中係享受，玩嘅時候有屋企人陪玩(愛豬號DADDY完全係居功至偉)，就算係一個小地方，亦都可以發掘到玩樂開心之處，感受到愛就真係玩咩都一樣咁開心啦！

**我地的FACEBOOK PAGE，齊齊來交流親子。育兒。烹飪啦**