【Eat Is Your Life】Oliver's Super Sandwiches新店開幕禮

26 JULY 2016(TUE)

謝謝Oliver's Super Sandwiches邀請，今晚我地兩母子齊齊去參加佢地位於APM新店嘅開幕禮~

 

其實APM依間Oliver's Super Sandwiches我地之前都成日嚟，因為小小豬好鐘意食佢個酥皮湯同白汁三文魚意粉，佢真係次次嚟到一定ORDER依兩樣。不過由於要嚟個大變身，所 以上幾次嚟見到圍住板，小小豬都有丁點失望，今次帶埋佢嚟重新裝修嘅店鋪，仲唔即刻變返開心豬。 

今次Oliver's Super Sandwiches APM新裝修依以時尚英倫格調，設計師從英倫NEIGHBORHOOD SANDWICK文化中取得靈感，以當代新英倫崇尚簡潔的設計風格，打造出時尚英式輕食三文治的感覺，貫徹品牌「Eat Is Your Life」的健康飲食概念。 


哈哈哈...設計嘅嘅嘢我真係唔識，只要小小豬坐得舒舒服服咁就得。我當然係最關心佢地最新推出嘅「SURF & TURF海陸美饌」，今日除左可以了解多啲次外，仲可以有得優先試食，真係YUMMY YUMMY呀~

 

係未開始食之前，有份設計一系列菜式嘅德國名廚先為我地介紹~ 

 

品牌仲同徐子珊合作，設計左一款健康營養嘅藜麥紅菜頭沙律，仲即場教我地點整添~ 

 

用藜麥同紅菜頭嚟整沙律我都係第一次，又幾特別仲好健康，見徐子珊幾下就完成，攪到我都好想試下呀~

 

哈哈哈....難得機會，我當然唔執輸集郵一返啦~ 

 

點解唔見小小豬....咪就係因為佢掛住食，忍唔住落手去整徐子珊剛剛教整嘅沙律呀~ 

 

好在平日小小豬同我都有入廚整下嘢食，加上剛才都好留心睇住徐子珊教，所以都OK啦~ 

 

小小豬嘅傑作，因為一陣有好多好嘢食，所以就整少少啦~

 

可以開餐了，先嚟一杯菠蘿海底椰梳打，好啱我依個菠蘿控呀~ 

 

酥皮忌廉湯配藜麥紅菜頭沙律~ 

 

為左可以試到三款最新主菜，我地就先嚟個混合版，每樣食少少，咁就可以一次過食晒金炸魚柳黑松露碎蛋沙律多榖法包、海陸千 層酥(黑松露碎蛋沙律‧煙三文魚沙律及新奧爾良雞肉餡料)、海陸公司三文治(全麥方包)。其實三款都係好好食，我個人真係強烈推介海陸千層酥，真係脆卜卜 食唔停口呀~ 
 

焗薯就係Oliver's Super Sandwiches嘅其中一個必食之選，今次仲可以一次過食到蜜味新奧爾良雞肉拼費城牛肉車打芝士醬焗薯，仲唔係一次過滿足兩個口味~

 

安格斯牛肉‧炒洋蔥漢堡配薯條，由於依個係牛肉，所以小小豬就帶左返屋企俾DADDY食，DADDY都話好好食呀~

 

最後就到甜品，自家製窩夫配Movenpick雪糕，一見雪糕小小豬就已經忍唔住，我都未影切相就俾佢食左啦~

 
今次我地就兩母子嚟食，小小豬就食得好開心，仲話下次要帶埋DADDY嚟食。好呀....依家APM開返，都好方便我地，嚟食多幾次都冇問題啦！


More Information :Website：http://www.olivers-supersandwiches.com/
Facebook：https://www.facebook.com/oliverssupersandwiches/?fref=ts

**我地的FACEBOOK PAGE，齊齊來交流親子。育兒。烹飪啦**