我其實係冇乜玩手機嘅TSUM TSUM，但唔知點解就對依一SET公仔都特別喜愛，就好似我啲衫...書包...手機套等，都係TSUM TSUM公仔嚟，作為一個迪迪尼控見到啲咁可愛嘅公仔又點會唔鐘意。
小小豬受我感染都一樣對TSUM TSUM情有獨中，所以當收到又一城邀請可以優先嚟感受TSUM TSUM係又一城嘅氣氛，佢又點會唔期待呢~
還記得上年又一城都都係以TSUM TSUM做過一期嘅商場佈置，我仲好有印象嗰次真係好多人都嚟影，我記得第一次同小小豬嚟時都真係人太多所以被迫取消去影相，最後要趁一個平日嘅下年同細妹嚟一轉先可以影到。
上次只係影相區都已經好吸引，估唔到今年除左影相之外，仲有幾個玩樂區，我想應該比去年更受歡迎呀。今次我地仲約埋SY哥哥同魚子醬一齊嚟玩，實行要三個小朋友玩轉又一城呀！
三個小朋友一齊打街機，睇佢地玩得咁興奮就知有幾好玩啦~
G層仲有一個以爆谷為主題嘅拍照專區，三個小朋友...三個唔同年紀代表....亦都有三個唔同嘅眼神，真係好難先叫佢地望到同一個鏡頭。不過小朋友就係咁，有佢地自己唔同嘅思想，總之開心有同伴陪玩就係一件快樂之事啦~
繼續就向UG層出發，因為嗰度設左TOMICA專區，可以睇車車之餘又可以同三部大嘅TSUM TSUM車影相，真係啱晒車控小小豬，佢睇到眼甘甘唔捨得走呀~
另一邊就係TOMICA Pop-Up Store，入面啲迪士尼款嘅TOMICA車都真係幾齊款，三個小朋友係入面就不停睇車呀~
之後我地就轉戰L2層，因為可以整貼紙相機、自制姓名貼紙機同埋銅幣製作機，不過今日銅幣製作機就暫時未有得睇，唔知係點整呢，同迪士尼入面嗰啲係咪一樣，下次行過要去八卦一下先得~
六個人先嚟齊齊整張貼紙相先，自有左相機之後都冇影過了。收費為$40，大家最好就自備8個$5硬幣去玩呀~
有5款唔同公仔嘅貼紙相俾我地揀~
影得啦...不過俾小小提意，因為部機都影得幾快(好似係十幾秒)，影兩次而且冇得重影，所以就位時間就要快快手~
哈哈哈...三位心急的小朋友~
我地嘅完成品，都唔錯啦~
又嚟整下姓名貼紙先，有兩款貼紙款式選擇，而且打中英文名都得呀~
因為有毛毛關係，所以小小豬就揀左依個，另一款就係阿愁，同樣都係$40一張~
小小豬又好似幾滿意佢嘅制成品哦~
接住就嚟到我地重點所在，因為我地要去LG2層，同四大動畫機動場景影相啦！
先嚟就同全球最高7米鐘樓影相，米奇仲會每半小時現身，同大家報時呀~
仲有日本傳統玩具 - 劍球~
另外有以樂器為主嘅兩個佈置~
當中小小豬就緊係最鐘意以壽司為主嘅佈置，佢仲邊影邊話要食咩壽司，真係俾佢笑C呀~
最後一個目的地就係POP-UP Store~
獨家發售超過100款Tsum Tsum嘅限定商品，而且種類款式都幾多，小小豬又學人SHOPPING啦~
小小豬同SY哥哥都未夠喉，所以再上G層去玩Tsum Tsum 街機。今次見冇乜人，所以就可以嚟個雙打啦~
原來雙打都有一個好處，就係可以一局玩兩次，如果各勝一次就可以嚟多一ROUND分勝負，咁又好似抵玩好多哦...哈哈哈~
估唔到一個商場都可以玩足一晚，小朋友們開開心心咁返屋企，暑假又真係要輕鬆下嘛！
如果大家同我一樣都係Tsum Tsum控，咁就真係要嚟影/玩返轉啦！
More Information :
日期：2016年7月16日至8月16日
時間：10:00-22:00
地點：九龍塘又一城
Website：www.festivalwalk.com.hk
Facebook：https://www.facebook.com/FestivalWalk/
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言