今日Daddy帶我去一個懷舊嘅地方，大家估唔估到依度係邊度嚟呢~
其實今次我地呢度都係無心插柳，事緣我地去科學館玩，有隻爛玩豬玩到唔捨得走，既然佢咁鍾意就俾佢繼續玩。但係有隻 豬仔玩玩下又話好肚餓，但係又話未玩夠，唔想離開科學館，最後我地就聽科學館職員介紹， 近近哋過去香港歷史博物館間餐廳食個下午茶先，之後再返去玩多一轉科學館。
原來買左日票嘅話，只要手上蓋個小印章，就可以一日內不限次數進出科學館， 咁我地就可以食飽飽之後再玩啦！
坦白講，真係唔知道香港歷史博物館入面有間茶餐廳~
而且配合翻歷史博物館個特色，整體上嘅佈置都好懷舊呀~
原來依間茶餐廳仲係社企營運，而且店務員都係聽障人士，所以更應該要多多支持~
以尖沙咀區嚟講，食物嘅價錢都可以接受啦~
我地叫咗三個餐，味道一般啦，只係如果份量可以多少少就更加好啦~
離開時俾小小豬發現咗一個小玩意， 就係一張康樂棋嘅餐紙，對一向鍾意玩桌上遊戲嘅小小豬緊係唔放過，睇左好耐先肯走呀~
店務員見小小豬咁鍾意，原本想去搵一張畀佢帶返屋企畀佢玩，但係因為原來已經冇存貨。不過唔緊要啦，我哋下次再嚟食嘢嘅時候，自己帶啲棋嚟玩啦！
食飽飽之後，我地就再戰科學館，繼續小小豬嘅科學探險之旅。 下次我地再去科學館或者香港歷史博物館玩嘅時候，都可以考慮嚟再食茶餐，可以稍作休息之後又繼續啦！
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言