Kinseymama's LIFE: LEGO®Ninjago旋風忍者旋

2015年11月12日星期四

4 NOVEMBER 2015(WED)

自上次小小豬參加左兩堂LEGO課之後，佢都鐘意左玩，都會主動同我地講想砌LEGO。所以當PR姐姐話送LEGO®Ninjago旋風忍者旋 - 光之戰車一號俾小小豬，當然係勁開心啦~

小小豬都有砌開LEGO，不過我都買多數係細細盒嘅車仔為主，嗰啲對佢嚟講都完全冇難度。不過，咁大盒又多步驟嘅都係第一次，所以都可以話係俾小小豬一個小挑戰呀~

坦白講，初時我都有點擔心，因為睇封面見到光之戰車一號好似好複習，都好驚唔識砌呀。好在說明書上都有好清晰嘅指示清晰，加上又一包包分好晒，仲有指示砌先後次序，真係好細心。只要我地一步步跟住嚟做，一定可以完成呀~

當然係先砌人仔先，雖然簡簡單單，小小豬都好認真又砌得專心呀~

轉眼間就完成啦~

之後就開始砌戰車啦~

LEGO嘅配件都多，每一個細節位都要好準確，所以其實都真係一啲都唔容易。都真係幾考小朋友嘅專心、耐性、細心同埋理解能力，所以LEGO都真係幾啱用嚟作遊戲中訓練呀~

另外，亦都係一個唔錯親子活動，大家齊齊砌...齊齊搵對應嘅LEGO粒粒，都唔錯呀~

只要努力、堅持、唔放棄，一定可以做到砌到。依三點亦都係我想小小豬學懂嘅事，希望佢會記住啦~

我地每日砌少少...每日啲啲咁，幾經努力我地終於完成了，小小豬緊係開心啦~

砌得咁辛苦，當然要即刻玩一轉先啦~

依隻傻豬仔又一人分飾四角，邊睇住佢玩得咁投入，我坐係旁邊睇都覺得幾攪笑呀！

依家隻豬仔對光之戰車一號都不知幾熱愛，一玩完就收埋好，簡直可以話係珍而重之添。緊係啦....自己一手一腳砌，嗰一份成功感都難以形容啦！

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！

2015年11月12日星期四