體驗香港首個園藝治療花園 - 都市綠洲

14 NOVEMBER 2015(SAT)

今日可以話過左一個綠色下午，應邀嚟參觀都市綠洲，學下有機耕種，又可以認識花草，都幾啱我哦~

其實，我一向都有啲興趣種嘢，成日都好想有一塊田同小小豬一齊可以種啲自己鐘意嘅瓜菜，由零變成一個收成品，嗰一種滿足感都真係難以形容。

不過，大部分農圃都係新界多，對我地嚟講又真係勁遠，所以一直都係得個諗字。係未收到邀請時，我係FACEBOOK都有留意到依個計劃，係市區可以做小農夫咁好，當然係有興趣啦。又好巧合地隔幾日就收到公關姐姐邀請，所以即刻答應嚟了解一番啦~

其實都真係幾近，因為由彩虹地鐵站行，沿行人隧道行大約十五分鐘就可以到啦~

我地休息一陣，等所有參加者都齊之後，我地就由負責人帶領下，先認識一啲有機耕作及參觀租賃給公眾嘅農圃~

原來佢地一共有344幅農圃可以租俾公眾，雖然場內都有駐場農夫協助，但都只係幫助每日淋水及一啲資訊提供，所以由播種到施肥、除草除蟲，收成等全部都係要一腳踢。雖然看似辛苦事，但原來好多人都好有興趣，佢地啲農圃已經全部租出，而且仲有好多朋友等緊WAITING呀！

全場都係有機耕作為主，當然唔少得啲天然能源收集儀器，好似有天然儲水器、滅蚊器、太陽能收集器~

當中仲設有一部廚餘處理機，可以利用廚餘變為肥料，完全係好有機呀~

負責人仲同我地介紹左啲有機肥料，好似有馬屎同另一種物料(唔好意思..我唔記得左個名)，依啲係天然嘢，不過經過處理，所以完全冇味呀~
Normal 0 0 2 false false false EN-US ZH-TW X-NONE MicrosoftInternetExplorer4

344幅農圃都係參加者嘅心血，所以我地睇嘅時候大都係用細心睇，唔可以亂掂啲農作物呀~

嘩...原來都有唔少收成品，粒粒都係好肥美，相信參加者都係落左唔少心機同精神呀~

場地內都都會提供基本嘅耕作用具，由於因應使用者並非專業農夫，所以用具體積都會較為細少，咁大家用起嚟就更加方便啦~

哈哈哈...有工具係度，我地當然係手癮起，好想鋤下地，親身感受下啦。所以負責人就帶我地去一塊教學用農圃，教我地翻泥呀~

鋤下又耙下，又幾過癮。當然都唔係一件易事，因為鋤幾下就已經勁攰，所以真係要同農夫真心俾個LIKE先得呀~

參觀完農圃之後，我地就去「心靈綠洲」遊覽，整過環境都真係唔錯，入嚟坐一轉都真係人都輕鬆啲呀~

入面好多花花草草都可以任摸，仲可以摸下，親身感受大自然。每一種花草背後都有一個小故事，邊聽負責人介紹邊聽故事，整個人都真係幾放鬆呀~

最後，飲埋杯好好飲嘅草木茶，完結今次嘅綠色活動~

依家參觀完之後，真係更加想租塊農圃嚟做個都市小農夫呀，等我快快入紙排WAITING先得！

 

More Information :
Website：http://www.urbanoasis.org.hk/
Facebook：https://www.facebook.com/CFSC-Urban-Oasis-1380920718795345/

 

 

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！