6 NOVEMBER 2015(FRI)
之前買左啲虎乳靈芝嚟燉雪梨,當時只係用左六片,所以今日再執多少少材料,煲虎乳靈芝川貝瘦肉湯啦~
虎乳靈芝又咩功效唔多講啦,大家可以睇返我之前虎乳靈芝川貝燉雪梨嘅食譜,我有提及過呀(按此重溫)!
今次用左虎乳靈芝、川貝、龍皇杏、無花果、百合、沙參、玉竹、麥冬、蜜棗同埋$40豬肉眼嚟煲~
除左虎乳靈芝及川貝我之前買落之外,其他藥材只要去到藥材店,同店員講有幾多人飲,佢就會執所需份量,我依度買左大約$38。
將所有藥材浸10分鐘沖淨,川貝先壓碎少少,豬肉洗淨汆水~
煲內放約1L水,將其他材料放入煲內~
水滾後轉用慢火煲約一個半小時~
最後加鹽調味就飲得~
比起燉雪梨,我覺得用豬肉嚟煲嚟得更加好飲,唔係話燉雪梨唔好飲,可能我地都係鐘意飲咸湯多啲啦!
不過煲湯又有另一個好處,就係大煲啲,每人有兩大碗,又可以滿足小小豬依隻湯怪啦!
**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦!
沒有留言:
發佈留言