3 NOVEMBER 2015(TUE)
早前睇好見朋友仔都話去左食梳乎蛋點心,見到佢地啲相,蛋黃哥真係好可愛,好想去食佢落肚呀。不過....一聽到要大排長龍就即刻唔敢諗啦!
今日同細妹路過,諗住睇下要排幾耐。完全唔洗排隊,當然兩姊妹即刻入去歎茶呀~
其實一入到門口就俾場身佈置吸引住,好多蛋黃哥呀,勁得意呀~
就連張餐紙都可愛過人呀~
其實店內都有其他點心嘅,不過吸引我地嚟嘅係蛋黃哥,我地當然要係主打依啲啦~
其實....如果可以的話,我真係想樣樣食晒,不過我地得兩個人又點食得咁多,所以就揀幾款嚟食啦!
梳乎蛋蝦餃~
真係好可愛,我要一啖吞佢落肚呀~
梳乎蛋芝士蛋撻~
梳乎蛋雞蛋布丁~
震騰騰奶凍~
嘩哈哈...終於嚟到戲肉了~
知唔係最新推出嘅朱古力流沙包呀~
坊間有個必食方法,當然要玩下啦,不過....好變態呀...哈哈哈~
睇個樣就真係碟碟可愛又得意,嚟完對蛋黃哥嘅愛又再加添不少。不過味道就真係......冇我預期中咁好食,加上都唔算抵食,所以貪得意嚟一次就算了!
**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦!
沒有留言:
發佈留言