兒童劇場 - 小象的本領

24 MAY 2015(SUN)

今日又同小小豬兩母子去拍拖，就係去拍拖睇兒童音樂劇呀~

自上年我地抽中左入送門票去睇依個劇團嘅兒童劇場之後(按此重溫)，小小豬就非常鐘意入面嘅主角好似小白兔..小龜，成日都問我幾時可以再去睇，終於等左差唔多一年，我地又可以再嚟睇啦！

其實今年劇團都有兩個劇目演出，不過小白兔嗰個劇目由於我地遲左買飛，所以得返啲唔多靚嘅位置，為免小小豬睇得辛苦，所以都係唔買飛，等下次再有演出先再睇啦！

雖然係買飛遲左，好在大肥豬都叫做買個靚位飛，但又好慘地只有兩個靚位，所以就我同小小豬去拍拖睇啦~

哈哈哈....雖然係高左啲啲，不過都睇得好清楚呀~

比起上一次睇兒童劇，今次小小豬明顯係更加投入同專心，佢仲會跟住啲歌詞齊唱歌添呀~

哈哈哈...話咁快一個鐘嘅音樂劇就完，勁興奮嘅小小豬都真係睇到唔願走，要等到啲小動物離開晒先肯走呀~

今日唯一美中不足就係原每一小朋友可以得到嘅小象公仔，我地去到就派哂。眼見其他小朋友都拎住小象，豬仔內心都有啲唔開心。就係咁...一個廿四孝Daddy嚟到知道之後，就買左隻小小豬想擁有好耐小白兔俾佢，等佢開心設啦~

當然小小豬今日戰利品就唔止小白兔公仔，佢好醒目地話原來佢仲欠三本圖書，就係咁.....廿四孝Daddy當然又入貨啦~

雖然今日派晒小象公仔，不過大會有留我地資料，話會安排送返小象俾我地。不過就唔知幾時先有，希望唔洗等好耐啦，因為小小豬成日都問住幾時有小象嚟呀！

既然小小豬睇得咁投入又鐘意，所以都等我留意多啲，帶多啲佢去睇先得！