活動：We嘩!冬日充氣嘉年華@數碼港商場

5 DECEMBER 2014(SAT)

聖誕假期將至，唔知大家有冇打算去邊度玩呢？如果仲未諗到的話，可以考慮入一入數碼港商場，因為We嘩!冬日充氣嘉年華又嚟啦~

真係要非常感激公關姐姐再一次邀請小小豬參與We嘩!充氣嘉年華，嚟緊將會係第四次參與依個活動，小小豬又有機會大放電啦！

上幾次都係我地睇住小小豬玩，不過今次就有啲唔同，因為是次嘉年華訂造了多款全新及獨一無二的充氣遊戲，不單只適合小朋友參與，年青人甚至家長亦可一同玩樂。

每一次We嘩!充氣嘉年華都會有一種動物做主題，今次就會以熊貓為題，大會從美國度身設計本港首個以熊貓及竹林為主題的巨型滑梯連移動彈床，屆時大熊貓將連同熊貓BB與眾同歡，誓必榮登小朋友玩樂區的最愛。同場加推高達4米的巨型熊貓飄雪水晶球，配合閃亮及華麗的聖誕佈置，讓一家大小及情侶們在漫天飄雪下享受甜蜜溫馨的一刻~

活動的另一亮點是由美國最新引入的充氣障礙賽遊戲 - MELT DOWN (橫掃8方)，此遊戲極度考驗參加者的膽量、耐力及冒險精神，刺激度足以震動感官神經。我睇左youtube短片介紹都覺得好刺激呀~

因為聖誕關係，會場除左有20多款嘅充氣遊戲外，同場亦加映了不同主題的表演及工作坊，包括: 薑餅先生大巡遊、扭扭氣球工作坊、奇趣小丑Show、 面部彩繪小天地、仲有可以同聖誕老人大合照等~

只係單睇介紹都已經覺得好吸引，相信當日小小豬一定會玩到癲。其實唔止小小豬，我自己都好期待，好想開開心心玩餐飽呀！

如冇意外我地準備27/12去玩一轉，唔知到時有冇機會見到大家，咁就可以一齊玩呀！

 

More information：
Website：http://www.wewaland.com
Facebook：https://www.facebook.com/WeWaLand