結婚七周年紀念@布甸狗貴族聖誕

3 DECEMBER 2014(THU)

哈哈哈...其實我又點會只係為左食一個晚餐就走入將軍澳呢，我入嚟嘅目的就當然係去影布甸狗貴族聖誕啦~

係我印象中布甸狗真係好少做主角，可以擁有一個屬於自己嘅展覽，今次仲可以加埋佢嘅女朋友同家族一齊，當然要大影特影！

好在我地今晚唔算太多人，所以可以慢慢影慢慢睇啦~

可能小小豬唔係太認識布甸狗，所以影嘅時候都唔太熱衷咁，反而就最鐘意係個布甸甜品，仲係度扮食添呀~

除左有佈置可以影相之外，係依個茶壺入面，仲擺放左啲布甸狗嘅精品，有啲都好少見到呀~

另外，仲有一間POP-UP STORE，入面全部都係賣布甸狗物品呀~

參觀完一陣，小小豬就話要做攝影師幫我地影相，估佢唔到又真係影到哦，起碼冇矇查查呀~

不過...點解依張冇左大肥豬個身？但又影得我幾好哦...哈哈哈~

今個結婚七周年紀念活動雖然好似簡單左啲啲，不過最重要都係我地三口子過得開心，我都已經好滿足啦！