聖誕小天使

24 DECEMBER 2014(SAT)

今個平安夜小小豬變身成為一個小天使，同一班小朋友一齊去報佳音！

一見到小小豬依個可愛天使LOOK，真係忍唔住要同佢影番張相呀~

小小豬一換左件小天使衫之後，真係可愛左好多(又嚟唔知醜媽媽係度讚個仔啦)，扮埋個小樂器上手，邊唱邊搖，真係冧C我呀啦~

綵排左一陣，有一個神秘嘉賓嚟同班小朋友玩，就係由其中一位神父扮聖誕老人呀~

小小豬嘅神奇事就由見到聖誕老人開始，因為導師問小朋友有冇問題問聖誕老人。平日小小豬都係比較怕羞，但估唔到佢依一刻識得咁主動地舉行，仲問左個好攪笑問題~

小小豬問嗰個問題就係：我呢....我呢...我其實係好鐘意食飯，咁聖誕老人鐘唔鐘意食飯呀~

同聖誕老人玩左一陣，之後就開始出去聖堂門口報佳音啦~

坦白講，今次小小豬嘅表現真係好...唔乖，頭嗰幾首歌都唔肯企定定嚟歌，到左最後嗰幾首歌先肯乖乖一齊唱。睇見佢周身郁嗰一刻我啲火都真係不停上升，嬲C我呀！

但當我返到屋企回心再想，一向小小豬嘅社交都係比其他小朋友弱，可能開頭嘅周身郁係表示佢嘅不安。不過，到最後幾首歌都可以一齊唱，咁都應該俾返少少鼓勵佢啦！

聖堂每年都有報佳音活動，雖然今年小小豬表現都係幾差，不過出年我都會再為佢報名，同時間依一年我地都會集中訓練一下小小豬，希望明年可以有好嘅表現。

係由邊度跌倒，就要係嗰度起返身，我要對小小豬有信心，我知佢一定係可以做到呀！

試用：位元堂護髮產品

23 DECEMBER 2014(FRI)

謝謝SHE.COM嘅安排，等我有機會可以試用位元堂嘅護髮產品~

因為我頭髮嘅長度剛去到個尷尬位置，我又好怕用大量時間去吹直啲頭髮，所以我基本上每日都紮住把頭髮。可能係因為紮得多，所以頭髮都比較易折斷同埋有掉髮問題，剛剛收到依份試用產品，唔知可唔可以幫到我個獅子頭呢！

位元堂中藥防掉髮洗髮露~

產品採用了銀杏、製何首烏、生薑、墨旱蓮等健髮藥材，能徹底及溫和地潔淨髮絲與頭皮，有效地護髮健髮，頭皮健康，才會長出亮澤堅韌頭髮，從而也能減少因指梳理斷裂所造成的掉髮~

洗髮露的顏色就有少少似花生醬的顏色，氣味方面我曾經都有擔心以中藥成份嘅洗髮露味道會好濃烈，用後發覺味道都唔算太濃。份量少少就能輕易起泡，起泡量都不錯哦~

位元堂中藥防掉髮護髮素~

成份方面，與洗髮露一樣都係以銀杏葉、製何首烏、生薑、墨旱蓮等護髮健髮中草藥精製而成，有助修補髮絲，刺激毛囊生髮。

護髮素呈乳白色的，與洗髮露一樣都有淡淡嘅藥材味道~

另外的兩件產品就係位元堂最新推出嘅本草修護精華，萃取天然漢方本草，成份能抵禦環境對頭髮的損害，修護受損髮絲，質感潤而不黏，迅速滲透，細心呵護每一吋髮絲，令每吋髮絲倍添光采。高貴、清新的花香更令你心靈出奇的舒暢、愉悅。

輕柔保濕系列(玫瑰味)~

產品採用了製何首烏、金鏤梅、甜葉菊及玫瑰，有助烏黑亮澤及保護髮色同時亦可以作深層滋潤，預防髮絲開叉~

質地呈水狀，一打開樽就聞到好香嘅玫瑰味啦~

滋養亮澤系列(甘菊味)~

以人參、墨旱蓮、鼠尾草及甘菊製成，可以深層滋潤和修補受損髮絲，促進髮絲吸收營養從而迅速滲透營養到髮絲，滋潤乾旱髮絲~

與玫瑰味一樣都是呈水狀質地，不過就換來淡淡嘅甘菊香味~

兩種味道我用法都時相同，洗髮後按出適量修護精華，然然均勻塗抺於髮尾或受損髮絲上~

我好乖乖咁使用位元堂依一系列嘅護髮產品都有差不多兩星期左右，我覺得明顯有最大改善係頭髮強韌左，因為依家紮頭髮時折斷嘅情況減少左。同時亦都覺得頭髮順滑左，梳頭時都唔覺得有纏結的問題~

其實初步成效我都覺得唔錯，希望繼續用可以改善到我嘅髮質，因為有好嘅髮質先可以留到長頭髮，我真係好想再一次成為長髮靚媽媽呀！

 

More Information :
Website：http://www.waiyuentong.com/
Facebook：https://www.facebook.com/waiyuentonghk?pnref=lhc

 

7-Eleven之戀上冬日

22 DECEMBER 2014(MON)

謝謝 7-Eleven 為我們這一家送上聖誕派對美食禮物盒，最開心嗰個一定係為食嘅小小豬，因為禮物盒入面啲零食真係好豐富呀~

見到咁多好味零食，睇吓小小豬嘅古惑的眼神~

其實今次戀上冬日嘅主打就係三款來自法國及紐西蘭嘅蛋糕，再加埋其他精緻小食，所以小小豬今次真係大飽口福啦~

首先就係法國直送嘅Brossard 乾果蛋糕，軟軟的牛油蛋糕夾雜著提子乾及車厘子乾，而且預先切成片裝，食起來都非常方便呀~

兩小片就可以當小小豬嘅茶點啦~

同一樣係來自法國嘅仲有St.Michel原味鮮蛋糕~

依款小蛋糕小小豬就非常鐘意食，仲一次過可以食三粒添~

由紐西蘭直送，全人手製造嘅「Loaf 朱朱古力蛋糕」，有朱古力、焦糖和石板街三款不同口味。由於小小豬唔食得朱古力關係，所以就交由大肥豬負責，依三款就陪伴左佢三個深宵看電視。依大肥豬表示，佢話三款味道都唔錯，不過佢個人就比較鐘意食石板街啦~

仲有一款係7-Eleven作獨家發售嘅產品就係維他奶朱古力曲奇味豆奶~

開頭我都驚個味道會怪怪的，點知試飲左之後，覺得個味又好似幾夾，唔會太甜又有好香濃嘅朱古力曲奇味。下次路經7-Eleven都要再買嚟飲呀~

其實係成個禮物盒入面，小小豬至愛就係依包伊華FROZEN乳酪啫喱夾心棉花糖，因為個傻豬仔最鐘意食棉花糖呀~

佢有幾鐘意？睇佢食得咁得戚就知啦~

其實仲有好幾款好味小食，不過因為都朱古力，所以就冇小小豬份，就交由我同大肥豬兩個負責食晒佢啦...哈哈哈！

桃哈多香濃牛乳味焦糖粟米條~

OREO北海道牛乳白朱古力脆條~

不二家MILKY杏仁牛乳味糖果~

日本樂天極品香濃朱古力條~

明治雪吻杏仁朱古力~

百邦牛乳白朱古力夾心餅~

除左一大批好味零食之外，7-Eleven仲非常細心，送上最新推出嘅Perfect Lip Essence 4合1潤唇美容液，可以滋潤一下個咀仔，繼續食...食...食~

 

More Information :
Website：http://www.7-eleven.com.hk/
Facebook：https://www.facebook.com/7ElevenHongKong?ref=br_rs

南瓜軟餅

21 DECEMBER 2014(SUN)

早前收到 OFresh Club 及 Cook1Cook 為我送上一大袋有機蔬菜，今日就等我用個有機南瓜整南瓜軟餅嚟食啦~

三樣材料就足夠整好味嘅南瓜軟餅啦~

準備100g糯米粉~

50g砂糖~

將半個南瓜去皮、去籽、切粒備用~

南瓜粒隔水蒸約15分鐘，直至軟身~

用器具將南瓜壓成南瓜蓉~

襯熱加入糖攪勻~

慢慢分三次加入糯米粉，製成南瓜麵糰~

之後用保鮮紙包好，放入雪櫃雪大約一小時~

將南瓜麵糰分成若干份，搓成圓球，按扁，做成圓餅~

加少許油落平底煎鑊，以慢火煎直至金黃色就完成啦~

哈哈哈...我嘅煎功仍有待改進，所以都只係得幾塊可以見得吓人呀！

不過依個簡單嘅南瓜軟餅簡單易整又好味，所以等我搵日用埋另外嗰半個南瓜整多一次，好味之餘順便練習一下我嘅煎功先得。