漫馬奔騰賀新年

18 JANUARY 2014(SAT)

仲有兩個星期多就到新年了，好多商場都已經有新年佈置啦！ 今日我地嚟荷里活廣場開生日會，路過見到有啲公仔新年佈置，既然嚟到，當然唔執輸要影返一轉啦~

其實佈置都唔係算多，只係得中央廣場一個位置。其實成個主題都係“漫馬奔騰賀新年”，主角就唔係馬仔，反而係豬仔，「三國小豬搲爆頭」手機遊戲，雖然我唔識佢地，不過啲公仔都幾得意~

除左公仔，都有啲桃花同吉仔，加埋就好有新年氣氛啦~

其實我都真係好鐘意新年同聖誕，因為有好多靚佈置，啱晒鐘意影相嘅我。今次都係路過影，唔知下一個影新年佈置會係邊度呢？真係好想帶小小豬去影好多靚相呀！