麥當當生日會

18 JANUARY 2014(SAT)

因為堂家姐今日係麥當當開生日會，所以我地又可以嚟玩啦~

由於我地早左到，所以係依一個小小佈置版位影吓相先~

依期小小豬好鐘意影相(應該係話好鐘意玩相機)，所以就叫佢幫我地影張，估唔到又影得幾好哦~

哈哈哈…嚟參加生日會，係生日咭上簽個名先~

等左一陣，可以叫嘢食啦，小小豬話佢大個仔，自己ORDER呀~

依排愛上火車嘅小小豬，見在場有個扭扭汽機車，當然唔放過拎嚟玩啦~

好啦…嘢食嚟啦…睇吓依個為食小小豬幾肉緊~

估唔到佢人仔細細，竟然可以自己一個人食晒成個開心樂園餐，佢嘅食量真係越嚟越驚人啦~

因為小小豬同其他在場嘅小朋友年紀都相差啲啲，所以遊戲環節小小豬就冇份玩，乖乖留係個位度食薯條。

玩完遊戲就到切蛋糕時間，依個蛋糕係小小豬伯娘自己整，真係好有心機呀。見蛋糕咁靚，猛車邊影張相先~

好啦…切蛋糕時候，小小豬都不知幾鐘意個蛋糕，眼睛完全唔離開個蛋糕呀~

食飽飽之後，仲有小禮物收添~

今日個生日會都算玩得開心(小小豬就最開心啦...可以食咁多平日唔俾食嘅嘢)，不過我就覺得依個場嘅環境唔係太好，因為場地環境又窄又迫，就連我地賓客都用牆隔開左，好似各有各食咁。雖然啲朋友我就唔識，不過站係主人家角度真係唔係幾好，好難招呼所以來賓，感覺真係麻麻呀！