試用：藥師堂純正日本尊馬油

26 DECEMBER 2013(THU)

我都係theZtyle.com申請過好多次試用活動，不過次次都抽唔中，等左都有一段好長嘅時間，終於今次抽到有得玩啦！好開心今次參加藥師堂純正日本馬油體驗活動，可以試用兩款尊馬油產品啦~

首先試用 - 藥師堂液狀特製尊馬油~

一般馬油都係膏狀，但依支就係液狀，感覺比較清乾爽。

先用在手上一試，淡黃色液狀，唔會有任何香料味道，只需要輕輕按摩，手背就全都吸收了~

用於面上，只需要吱2-3吓之後於面上按摩打圈，好快就讓皮膚吸收，即刻感覺水潤有光澤，非常適合依家勁乾燥嘅寒冬使用呀~

另外，我亦鐘意係化妝前薄薄地塗一層，之後再塗上粉底。個底妝明顯會貼服啲呀~

另一個試用產品 - 藥師堂尊馬油~

奶白色的晶體狀，有啲似凡士林，唔會有任何香料味道，按摩幾吓背就全都吸收，感覺非常滋潤呀~

依排天氣勁乾燥，我咀唇真係乾得好緊要，真係可以話乾到有啲爆裂。在咀唇上塗上薄薄的一層馬油，用後感覺咀唇滋潤好多，而且時間持續長久，早上塗一次都下午仍然感到咀唇滋潤，所以依家我都當潤唇膏用呀~

除左咀唇，我對腳都一樣係嚴重爆擦，好似龜裂咁。所以我都一樣塗尊馬油當身體保護。用少少就可以按摩成隻腳，好快就變得滋潤有光澤，仲有返啲彈性添呀~

尊馬油係使用純馬油是由馬匹脂肪經過真空蒸氣提煉而成。尊馬油會瞬間被肌膚吸收。多個部位都適合用，唇部、手、腳，面部肌膚。用途廣泛而且實用，此產品真係非常依個乾燥嘅天氣使用呀！

如果大家想對藥師堂純正日本尊馬油了解多啲，大家可以瀏覽佢地網頁：http://www.yakushido.com 或者FACEBOOK專頁：https://www.facebook.com/Yakushido.horse.oil

**是次產品由theZtyle.com提供**