《風起了》優先場

14 DECEMBER 2013(SAT)

首先要多謝Yes-Parents邀請一齊去睇《風起了》優先場，因為今日撞左小小豬上訓練課所以去唔到。不過佢地個負責人真係十分之好，可以將原本送俾我嘅戲票等我轉贈俾LULU妹(因為LULU妹都係宮崎駿嘅FANS)。就係咁今日LULU妹又做左我特派記者，幫我去參加依個活動啦~

之前都同大家講過，我都係宮崎駿嘅小FANS嚟，所以其實我真係好想親身入場睇。不過小小豬上訓練時間又唔可以改，所以唯有讓LULU妹接替我，佢同埋一位朋友仔入場睇啦~

雖然我冇得入場，不過LULU妹都有講返個劇情俾我聽。以下就係LULU妹睇完之後一個小小感想：

宮崎駿作品畫功都有返一定水準，啲風景真係好靚。故事明顯比較平淡，但又是非常寫實的。男主角的一生反映出夢想有時候是需要人不顧一切去實現，愛情與事業很難兩得意。此外，宮崎駿亦利用了男主角的夢想去表達自己對戰爭的厭惡，飛機本來是用來拉近人類與天空的距離，但因為政治因素令到飛機成為殺戮工具，所以才令飛機成為被詛咒的夢。 而風起了有別於以往宮崎駿的作品，少了一份童真、多了一份憂傷，故事亦較為成熟有深度，亦都一樣有好幾個感動人心的位。

聽完LULU妹介紹之後，我真係勁想親身入場感受一吓。電影於十二月十九日上映，到時一定要去睇呀！

有關電影簡介同有關嘅預告片我就唔多介紹，大家可以去以下網址睇： http://www.yes-parents.com/knowledge/article/T3/T3C500513.yp