珍寶珠遊樂場

14 DECEMBER 2013(SAT)

早係上幾個星期，見朋友仔去左樂富廣場影珍寶珠遊樂場時，都已經好想去影。今日趁去接大肥豬放工之後，我地路經去影返轉啦~

先係室內影吓先，小小豬見到咁多珍寶珠都已經非常興奮啦~

今日係星期六嘅下午時段，應係係好多人排隊先係，不過今日完全冇人排隊，原因就係因為落緊毛毛雨，所以冇乜人出去影。正當我地考慮緊出唔出去影時，大肥豬話既然嚟到又唔洗排隊，都出去影吓啦！

就係因為咁，我地快遊依個珍寶珠遊樂場，影少少相到此一遊啦~

快快影完就返回室內，小小豬見到珍寶珠話好想要。我地叫佢自己揀同自己去俾錢，當訓練一吓佢同其他人交談啦~

商場內仲有好多部珍寶珠機，我地又玩吓先~

其實今日如果唔係因為落毛毛雨關係，我地都可以俾小小豬玩耐啲，同落地走走玩吓個迷宮。另外，亦都可以係天雨關係，有兩個攤位遊戲同埋個音樂樓梯都CLOSE左，真係有啲可惜呀！

希望之後好天氣嘅時候，可以抽時間再嚟過，咁就可以再玩過啦！