佐敦谷公園

7 DECEMBER 2013(SAT)

自從大肥豬第一次帶我地去佐敦谷公園玩嘅時候，我都已經好鐘意依個地方，因為有一片好大嘅草地可以等小小豬跑跑走走。自從上年秋天之後，我地都冇再嚟玩過。

不過，趁今日天氣好好，所以又再重臨，等小小豬又可以大放電啦~

雖然我地今日中午時刻嚟到，不過一啲都唔覺得曬，仲有少少風添，所以真係好啱玩呀！

嚟到第一樣玩嘅當然係我同小小豬都好鐘意嘅泡泡啦~

同我玩左一陣，就要拎支泡泡槍自己玩啦~

玩完泡泡就玩氣球，拎住個氣球同圍走~

玩都攰就就做隻嗲嗲豬，坐係大肥豬大腿上要聽故事，好溫馨呀~

小小豬又嚟表演佢嘅唱功啦！當然係好聽之所以表情搭夠啦~

唱都攰飲啖水先，洗唔洗飲得咁肉緊~

最後係我書包搵到幾包紙巾加一個羽毛球，俾個傻仔諗到好似玩拋豆袋咁玩添。之前都冇引導過佢，估唔到小小豬又幾好想像力哦~

玩完草地就去另一個地方玩啦~

再去玩之前先補充體力先~

去嗰度知唔係就係小小豬最鐘意嘅遊樂設施啦~

其實前幾次嚟依度玩，小小豬都只係玩滑梯，估唔到佢今次咁大膽，玩左啲比較難度高嘅設施，仲唔洗我地扶佢，真係佢唔驚攪到我地驚呀！不過咁都好，佢肯玩肯唔識驚，對佢學習都有一定幫助嘛！

其實佐敦谷公園仲有一個搖控車場，因為今日大肥豬冇帶佢啲戰車出嚟，所以冇行埋嗰邊。不過大肥豬已經PLAN好左下次帶邊部車嚟，相信好玩我地又會再嚟玩啦！