黑白淡奶新裝 x 美女廚神KIT MAK搞搞新「煮」意

7 SEPTEMBER 2013(SAT)

今日真係超級開心，可以跟美女廚神KIT MAK學煮嘢食呀~

今日係應黑白淡奶PR邀請，去KIT MAK的工作室參加【 黑白淡奶新裝 x 美女廚神KIT MAK搞搞新「煮」意】活動~

今日主角除左係KIT之外，當然唔少得另一主角「黑白淡奶」啦~

之前我都有買罐裝淡奶嚟整甜品，尤其係當食啫喱布丁時，加啲淡奶一齊食，真係好味好多呀！不過買左一罐返嚟之後，都只係用少少，之後就擺入雪櫃，擺擺吓又唔知會擺幾耐，放得耐又會變壞，所以都好似有啲浪費呀！

所以當知道「黑白淡奶」新出左一款獨立包裝，我覺得依個包裝真係非常之好，既方便又衛生。除此之外，奶源都好安全，因為同美素佳兒一樣，都係由自家農場牛牛提煉而成，100% 由荷蘭新鮮牛奶製造，新鮮又健康！而且「黑白淡奶」的獨立包裝容量剛剛好，每包30G用嚟來沖奶茶咖啡一包就已經足夠啦！

係未嚟參加活動之前，我都只係以為淡奶只可以用嚟沖奶茶或者係做甜品。不過原來唔止咁簡單，KIT就教我地用「黑白淡奶」煮湯、小食、主菜和甜品，所以原來將「黑白淡奶」加入食物都可以，仲令食物更添香滑濃郁添呀~

KIT為先為我地準備一個小食 - 烘香蕉多士~

將香蕉切片，再加入麥片、蜜糖及「黑白淡奶」，之後用攪拌器成攪拌醬塗上麵包。再係加上香蕉片及玉桂粉，最後放焗爐焗 10 分鐘即成~

烘香蕉多士已經出爐啦~

依款真係好食得嚟簡單又易整，好香香蕉味配埋個脆卜卜多士，真係好味呀！由於整嘅過程都好簡單，所以我打算搵日同小小豬一齊嚟，等我地又可以親子廚房一吓呀！

平日一般飲嘅忌廉湯，都加左好多麵粉、牛油先會做到好CREAMY嘅口感，但今日KIT教我地整嘅甘荀忌廉湯，只係用簡單材料，就可以做到好CREAMY啦~

先將蔬菜加茄膏炒熟，之後加上雞湯煲一陣，再放入攪拌機，最後加三包「黑白淡奶」再煲一陣，咁就完成啦~

完全冇落麵粉，但亦都做都忌廉湯嘅口感，真係健康好多，飲得多都唔怕肥啦~

係未煮主菜時，KIT為我地準備左印式香料奶茶，等我地享受一吓~

講真，我真係比較少飲奶茶，不過依杯又真係幾好飲，個味仲好特別添。可能係加左啲印式香料，加埋個「黑白淡奶」嘅效應，所以杯奶茶都好滑呀~

休息過後，到主菜啦！依個主菜可以話係新鮮熱辣，因為係KIT最新設計材式，就連「黑白淡奶」食譜都未有嘅 - 非洲雞~

一邊將已醃好的雞扒慢慢煎熟，另一邊就做個非洲汁，估唔到原來秘密就係加左花生醬，咁就可以有帶出個辣椒味得嚟又唔會辣得好利害呀~

最後加椰絲，就可以放入焗爐爐幾分鐘，食得啦~

不過KIT又教多我地多一個做法，就係如果屋企冇焗爐，就將啲雞扒煎都完全熟透，加上椰絲後，用噴槍燒一燒，咁都可以做都另一個味道呀~

個味道真係唔錯，個汁好香之餘又唔太辣，真係啱晒我依啲怕辣又想食辣嘢嘅人呀~

最後嚟到甜品- 宇治金時豆腐慕絲~

將所有材料係個煲入面煮溶，之後再加上豆腐，同埋「黑白淡奶」一齊放入攪拌機就得啦~

係整依個甜品時，KIT教左我地兩個整甜品嘅小秘技。第一就係魚膠粉需要先同糖混合後，先可以加水攪溶，咁樣魚膠粉先會平均啲呀！第二就係用嘅豆腐係買超級巿場嗰啲獨立包裝，因為整甜品係唔需要煮，所以用獨立包裝係會衛生啲呀！

之後放入雪櫃雪大約兩小時，再加紅豆茸和餅乾碎，就食得啦~

仲唔到豆腐加綠茶個味係咁夾，再加埋有「黑白淡奶」嘅奶香，所以好特別嘅味道，好好食呀~

真係完全冇諗過原來「黑白淡奶」除左做甜品同飲品之外，仲可以做好多唔同種類嘅菜式，真係大開眼界呀~

最後大家同KIT影靚相，過左一個開開心心又飽飽嘅下午啦~

今日仲收到一份小禮物，嚟緊等我試吓用「黑白淡奶」 整啲好味餸等小小豬一飽口福先得(希望做到有KIT一半水準我都已經覺得好叻跚...哈哈哈)~

如果大家想睇多啲「黑白淡奶」嘅食譜，可以去瀏覽FACEBOOK專頁  www.facebook.com/BlackandWhite.hk

小小豬個FACEBOOK專頁，你今日LIKE左未呀~