我的愉快生日PART 2 @石澳沙灘

26 AUGUST 2013(MON)

去完影相，之後我地返小豬媽屋企休息一陣，就同埋小豬爸&LULU妹一齊出發再去玩啦！

其實係因為大肥豬見今日影相都係用一個上午時間，下午都仲可以繼續去玩(唔好浪費一日假期咁話)，所以就提意入石澳等小小豬玩吓沙，之後就係石澳食埋我嘅生日晚餐啦！

為左逃避個太陽，所以我地五點幾先入到去，原本以為咁晏加上又平日，就唔會太多人。點知可能係暑假關係，一入到去到已經勁多人，幾經辛苦先搵到個靚位呀！

搵左個靚位，小小豬當然要即刻開始玩啦~

玩左一陣沙，大家都決定為小小豬戒除左個心魔，就係怕水。

其實自從小小豬上幾次係泳池玩水玩得好開心之後，我地都認為小小豬其實唔係怕水，只係細膽唔肯試新嘢。所以趁今日比較多人同佢玩，希望可以戒左依個心魔啦！

準備向水邊出發啦~

當然第一吓小小豬都係唔肯，仲企定定係海邊唔肯行呀~

小豬爸幾有心機氹小小豬~

經小豬爸努力，小小豬終於肯行前一步，係淺水位置玩吓先~

玩一陣又再繼續踏前一步，行去海邊啦~

試左好幾次，小小豬終於都肯企係水度，仲開始行幾步添~

WARM-UP一輪，終於都解除左心魔，小豬爸仲教小小豬玩浪，玩得好開心呀~

睇吓佢地兩公孫幾開心~


除左小小豬之外，睇吓小豬爸佢幾開心，真係好耐(或者係話....未見過)佢玩得咁開心呀！我地細細個時，小豬爸因為工作關係，都冇同過我地去沙灘玩，依家同小小豬玩得咁興奮，所以話呢.....小小豬真係佢嘅寶貝嚟呀~

同小豬爸玩左一輪，個傻豬仔已經開始大膽到冇朋友，自己一個人玩浪呀~

小小豬真係玩得好投入，成個人跌落水都唔驚呀~

哈哈哈...其實當初都係預今日小小豬都係玩吓沙同係海邊行吓，所以都冇預佢啲泳衣。但真係諗過小小豬可以咁快落水玩，所以玩到成身都濕晒，唔止小小豬就連我地個個都濕晒(除左小豬媽，因為佢責任重大，幫我地保管啲重要財物呀)

經過今次，相信小小豬已經唔再怕水，咁下次再去沙灘時，就可以著泳衣大玩特玩啦！


你今日LIKE左未呀？