終於嚟到生日活動最後一日,就係一家人去食一餐豐富嘅泰式晚餐啦~
哈哈哈...如果大家一直都有留意我地嘅活動,都應該一定見過依間餐廳,仲唔只一次添!報案先....我地係冇任何優惠,只係因為小豬爸鐘意食依一間泰國菜,所以我地一有特別慶祝活動,第一選擇就係佢啦~
大熱天加上又係沙灘玩到攰,飲個椰青解解暑先~
因為係我生日,所以雖然都只係得五大一小去食飯,不過我地都叫左好多好味餸,食到勁飽呀!
每次嚟到例必叫嘅.......咖哩大頭蝦,雖然今次啲蝦就細隻左少少,但個汁真係勁好食呀~
炭燒豬頸肉~
沙嗲豬串燒~
烤羊鞍,第一次叫嘅,一啲都唔"SO",咬落啲肉都好有汁感呀~
原個菠蘿飯~
最後就係炒什菜,唔知點解泰國餐廳啲菜咁少種類同款式,如果多啲咁就VERY GOOD啦~
今個生日雖然過得簡單,就連生日蛋糕都冇食到,不過就非常充實又開心。去影樓影靚相,一家人去海灘玩同埋食左一個豐富晚餐,仲收到小豬爸同小豬媽嘅大利是添!
平淡是福,只要一家人開開心心係埋一齊,做乜都係好啦!
希望之後每一個生日,都可以一家人開開心心咁同我一齊玩去慶祝啦!
你今日LIKE左未呀~
沒有留言:
發佈留言