小小豬飲緊咩呀？個樣咁古靈精怪又攪笑？哈哈哈....知唔係小肥豬出品嘅開心清補涼湯啦~
由上星期開始，小小豬都KEEP住食西藥，都食左成個星期有多啦！一食西藥，依個豬仔又會忟忟憎憎，又扭計扭多左，小豬媽話應該係燥熱，叫我煲啲清補涼等佢解解熱。
就係咁，我就買左一包清補涼再加三十蚊豬展，煲個靚湯俾小小豬飲啦~
煮真係勁簡單，先把清補涼材料浸一浸，再將豬展切件出水備用。待水滾，把材料放入，先以大火煲三十分鐘，之後轉細火煲兩個鐘就完成啦~
一碗靚湯就係咁簡單煲好左啦~
我放左落個飲湯杯俾小小豬慢慢飲~
依個小小豬都不知幾鐘意飲，就只係一個上午，佢都已經飲左兩大杯啦！見佢飲得咁開心，都不負我晨咁早起身煲俾佢飲。
其實唔只小朋友，大人都好啱飲，所以都決定每個星期煲返一次，咁大肥豬同小小豬都可以清吓熱嘛！
我地嘅FACEBOOK專頁，你LIKE左未呀~
仲可以關注埋我地個微博呀~
有事都可以電郵俾我地呀~
沒有留言:
發佈留言