九龍城單車公園

27 DECEMBER 2013(FRI)

今日大肥豬帶我地去一個新地方玩，就係去九龍城單車公園踏單車啦~

如果唔係大肥豬帶我嚟，我都唔知道市區有一個咁完善嘅單車公園~

單車公園環境好之外，我覺得最好就係單向行駛，唔洗怕啲單車周圍穿插，十分安全，所以在場都有好多一家大小嚟玩呀~

如果想玩少少花式，都有一個指定位置，唔會阻擾到其他嘅使用者呀~

公園內都有單車租借服務，我地租左一部成人單車都係$30一個鐘，我覺得都算抵，起碼可以方便我地唔洗帶住部大單車周圍去嘛~

簡單介紹完之後，就到我地玩啦！雖然都有啲係俾小小豬踏嘅單車，不過由於係第一次玩關係，所以都係租左部有尾坐嘅成人車，等小小豬先做乘客，感受吓先啦！

好啦...出發啦！大肥豬先嚟同小小豬講解吓先~

佢地兩父子就咁係單車公園入面踏左一轉，我就當然係企定定等佢地啦~

踏左一轉之後，大肥豬話佢攰攰地，但小小豬又想繼續玩，所以我地就慢步推啦~

睇吓個傻豬仔坐單車尾都坐得幾開心~

我地三口子都行左兩轉左右，當然小小豬坐左咁耐，佢又點甘於只做乘客，所以就俾做一陣司機啦~

哈哈哈...小小豬係唔係好有型呢~

原來一個鐘嘅時間真係好快過，小小豬做司機玩左幾轉之後就夠鐘啦！

不過，依度又咁方便，所以我地都會成日嚟玩，下次可以試吓俾小小豬自己踏呀！最衰我就唔識踏，如果唔係就可以陪佢地一齊玩，唔洗企定定等佢地啦！

SNAP自拍體驗館

26 DECEMBER 2013(THU)

今日我地又有新嘢玩，就係一家大細去玩自拍~

首先要多謝SNAPHK全港最chur自拍體驗館嘅邀請，我地今日去左攪攪陣啦~

開頭我都擔心上去玩自拍係好難攪，因為一舨影相都有大量攝影器材，我地最叻都係拎住部單反機影，所以都好驚唔識用佢啲儀器。

不過，當我了解左之後，完全唔擔心啦。基本上帶個人同USB上去就可以玩啦！

因為SNAPHK係提供大量高質素拍攝器材，單反相機，影棚燈光等，不過我地只需要輕輕按按下手中遙控就可以影到靚相。另外，真係不得不讚賞個系統好先進，按完遙控之後，即時就可以係相機嘅相過入電腦，啲器材都好專業呀(不過，唔好意思，因為我掛住玩，漏左影個遙控添)~

除左有各種唔同嘅佈景俾我地選擇之外，仲有好多唔同種類嘅道具同服飾俾我地拎嚟影相。不過，可能因為佢地對象主要係成年人，所以FOR小朋友嘅相對就比較少，如果可以多返啲啲可愛服飾俾小朋友，咁就仲正呀~

係房間入面就任我地影一個鐘，只要你手指有足夠位置存檔就可以啦！

可能自己一家人係房入面自己影，所以感覺上都好似FEEL FEEL地，所以我地都影左差唔多200張相(當然唔係張張都靚啦...哈哈哈，因為我地成日都望錯鏡頭呀...哈哈哈)，就等我同大家分享啲靚相啦！

第一個佈景，我最鐘意依個，好小朋友FEEL呀~

第二個佈景，我地幾個女仕仲著啲公仔衫，你唔係好可愛呢~

第二個佈景~

到左最後一個佈景~

其實一間房入面都有六個佈景，不過因為時間關係我地都只可以影到四個，不過都已經夠我地玩啦！

整體上我真係覺得好好玩(可能我係勁鐘意影相啦)，自拍可以自己想點影都可以，發自內心嘅就係最好嘅一面嘛！奈何小小豬俾在場好多玩具吸引住，所以掛住玩同望，影相唔夠投入。唔緊要啦，不過我地幾個大人嗰啲又真係幾好呀！

雖然係幾好，不過我都有少少意見，就係個相機鏡頭因為固定左關係，所以小朋友影可能唔係幾影到，雖然我地返到屋企可以自己CUT返正張相，不過如果可以因應拍攝者嘅高度，可能效少少個相機嘅高低位置，咁就仲正啦！

如果大家想了解多啲SNAPHK全港最chur自拍體驗館，大家可以瀏覽佢地網頁：http://snap.hk 或者FACEBOOK專頁：https://www.facebook.com/snaphongkong