話說之前都講過，每逢星期一嘅小小豬，可能冇見小豬媽兩日，所以特別會黐身，係上兩個星期仲黐身都要小豬媽咩住佢嚟做嘢，真係有十個曳曳呀！
今日小小豬又嚟發揮佢嘅黐身本色，成朝早都黐住小豬媽。不過今次就好好多，只係全程跟住，小豬媽去邊佢就行到去邊，又冇扭抱，所以都算佢啦！
正當小豬媽做完一輪工作之後，瞓左係梳化休息時，依個小小豬又自動自覺咁爬上小豬媽個身上，好似小綿羊咁伏左係小豬媽身上面呀~
就連飲水都唔肯行開，要瞓係小豬媽身上飲添~
雖然話小小豬黐身唔係咁好，不過相信小豬媽都已經甜在心頭，睇吓小豬媽笑得幾開心就知道啦！
我有少少羨慕添呀....哈哈哈！
沒有留言:
發佈留言