青衣城的天神村

8 AUGUST 2009 (SAT)

離開左三家村，我地就先返屋企梳洗，之後大家一齊再向下一個目的地進發。

大肥豬個目的地就係灣仔區某酒樓，因為佢有個朋友仔結婚，要去高興一番。

我呢...哈哈...當然又係去玩啦，約左糖糖同小肥肥一齊去青衣城個天神村呀！

我地一入到青衣城，見都唔算太多人，所以就即刻走左去排隊等入場。好在我地都等唔係好耐，一入到去場就爭取時候去影相啦~

嘩...青衣城依個天神村真係比杏花新城嗰個大好多同靚好多。唯一唔同嘅係，依個要捐款同排隊先可以入去影。

做善事都冇所謂，不過.....最衰就係只得十分鐘時間影，好似唔係好夠喉呀！