遊遊電腦節

21 AUGUST 2009 (FRI)

我對電腦產品一向都唔會有太大興趣，所以都冇諗過去行電腦展。

不過，今次因為大肥豬有個朋友係入面有個鋪位，可以免費帶我地入去。就係咁...今日就去左電腦展行個圈啦~

哈哈....有證件就可以入場啦~

雖然係第一日，但比我想像中少人。不過啲人都唔睇往路嚟行，掛住向上望啲產品介紹，攪到成日都俾人撞。

行左一陣，真係覺得唔係太多野睇，好多都唔係特別平，所以都冇乜興趣，好在唔洗錢入場，感覺上都好似冇咁傷。如果叫我俾錢入嚟，真係唔好預我啦。哈哈~

話晒都入嚟又點可以空手而回，我地都買左兩樣嘢咁大把~