和服LOOK嘅DOLLCENA

係上星期去旺角行街街搵公仔嘅同時，我都搵吓有冇衫仔可以俾D女們換吓。

不過..原來俾D女著嘅衫仔真係唔多，一般都只係俾小B同小P著，我搵左好耐先見到有一間有得賣呀！

哈哈..我就係買左依件和服啦！

其實我係好鐘意日式和服，感覺上係好靚好斯文，自己冇得著，就當然買嚟俾D女著啦！

有請莎莉示範

雖然同D女換衫仔係好得意，不過我應該唔會再買住啦，因為大肥豬話D女換左衫之後，冇左迪迪尼個FEEL，加上啲衫仔又唔係平，叫我留番啲錢去儲整成套D女仲好哦！

大肥豬又講得啱，所以衫仔一件就夠(除非俾我見到啲『好』靚啦！)，我個目標係慢慢可以儲到一SET DOLLCENA。呵呵呵~