又有新成員

D女王國又有新成員，仲一次過有三位成員添，真係開心啦！

依三個DOLLCENA唔係我搵到，係小豬媽買嚟送俾我呀！

其實之前小豬媽曾經打過電話問我有冇依三隻，當時我問佢仲乜，小豬媽又唔答我。我都覺得古古怪怪，原來神神秘秘咁買左俾我，哈哈....

萬聖節版MARIE(唔睇個介紹都唔知佢係MARIE，不過又真係幾靚，尤其係面上個星星)

妮露(好有夏威夷FEEL)

米妮(睇相就覺得麻麻地，不過睇到個實物，覺得好靚，特別係佢個黃色頭髮)

哈哈..我個D女王國已經有十六位成員啦！

好迫呀.(呵呵~~)搵日要將佢地分開兩格放先得啦！

不過..都應該係得咁多個，因為其他款應該都好難搵，所以都好整儲齊佢地呀！