上次因為感冒導致氣管收縮,食左幾日藥以為已經好番晒。
點知........尋晚又嚟過,胸口又嚟痛過,條氣又嚟唔順,真係唔知自己想點。等左好耐先叫做好啲,可以訓到。
可能係我尋晚個動靜真係嚇親大肥豬,所以一早就約我放工帶我去.......又睇醫生。
好在有大肥豬一早幫我去拎籌,所以我都唔洗等太耐。不過,入去見醫生就見左好耐。因為個醫生都好有心機咁幫我聽呼吸聲,又好詳細咁問左我好病程,都好似幾專業。
經醫生診斷,我都係因為氣管問題,話聽得出我氣管較弱,當感冒再加上轉天氣就會出現依個情況。
唉...又要食藥,仲要食足五日,今次真係有排吽啦!
沒有留言:
發佈留言