中招

唉..真係都唔知依家啲天氣想點，突然間凍起上嚟，攪到都拎唔切啲冬天衫換出嚟，就係咁失敗嘅我又嚟中招啦！

依兩日個頭到痛到爆，又不停流鼻水，食左啲藥都叫做好少少，不過就成個人傻吓傻吓咁，總之就係慘..慘..慘啦！

因為冇冬天衫著關係，大肥豬趁我去洗白白時，竟然幫我係床下低拎左幾袋冬天衫出嚟，叫我拎住幾件著住先，但我又未有心情換季住..所以依家屋企俾我攪到成個雜物屋，幾大袋冬天衫擺晒係廳。

其實之前睇天文台話星期尾會回暖，所以我先唔換季住，真係好怕過多幾日天氣又會反常，到時又要換番啲夏天衫。

真係啲乜天氣呀，真係好煩呀...換又煩..唔換又煩！

依家啲天氣冇常，早晚就凍，中午又熱熱地，大家都要小心身體，唔好學我呀！