當小賢話我知上網有得買D女時，我都15/16唔知買唔買好，因為我都好少係網上購物，驚會有閃失嘛。
正當我猶豫之際，大肥豬竟然話：又唔係貴，同出面街價差唔多，咁你咪上網買左佢啦！
就係大肥豬依句話，我就BID左對D女。等左幾日，今日收到啦！(好在個賣家都好快手，等我可以好快到手)
就係依一對米奇米妮情人版D女啦！
睇吓佢地幾可愛呀~~
當我拆左盒之後，發現原來米奇個企架爛左，米奇企唔到添…真係有少少唔開心。不過....我估都應該唔關個賣家事，因為睇個盒係冇拆開過，可能係我黑仔啦~
唉…算啦…唯有睇下出面有冇類似企架買番個俾米奇啦！等佢可以安全咁企係個玻璃櫃入面。
我個D女王國已經有十一位成員啦！繼續努力壯大佢地個聲勢先得~~哈哈
沒有留言:
發佈留言