好味和民宴

之前知道東亞信用咭係和民做推廣，加上曾經同過小M去過飯局，覺得都好好味，所以就成日都想同大肥豬去試吓！

原本我地依個和民宴係上星期五去食，點知當準備去和民途中先發現原來我地兩個都冇帶到東亞信用咭，唉...真失敗！

尋日放假懶懶地唔想煮飯，所以大肥豬就建議同我去食和民啦！

我地以為好醒目，打算早少少食飯就唔洗排隊，所以六點左右就去到九龍灣和民。點知.....去到已經大排長龍，真係誇張。終於都等左成一個鐘先有位呀~~

我估做緊推廣關係，好多人都ORDER左個半價餐，可能多人叫，佢地做得多，所以佢地上菜上得好快，加上我地張二人枱又細細張，所以擺到成張枱都係嘢食呀！

原本我都擔心會食唔晒啲野，不過因為實在太好味，我地竟然可以食得晒。大肥豬仲不停咁讚啲野好食添~~哈哈

由於大肥豬覺得依個餐又好味又抵，所以佢主動話係推廣期內再同我嚟食多次。呵~~呵~~呵~~~~