樣衰衰

今日又嚟手痕痕，又嚟整吓不織布先....

之前整兩個小手工都冇大肥豬份，所以今日依一個製成品係一早打算整俾大肥豬。

因為大肥豬唔鐘意掛公仔係個袋度，所以就整個細細地嘅電話繩，等佢可以成日都見到....

登...登....登...登....麵包超人電話繩出場啦！

講真，我自己就覺得整得麻麻地，仲有少少大細眼添，依一個就係樣衰衰嘅麵包超人。不過都要叫大肥豬用住先，等我整個靚靚嘅先換左佢啦！

原來比起上嚟細細真係難整啲，剪又好難剪得圓，都係大大地嘅好整好啲...哈哈~~