學人整小手工

上次去探車厘B時，車車記得我曾經問過佢有關不織布嘅嘢(哈哈~~真係好記性啦！)，所以係臨走時送左好多不織布俾我啦！真係唔好意思...又玩又拎添~~哈哈

收到咁多靚靚布，所以我啲整手工嘅癮又再濃厚啦！

依幾日都不停上網搵啲公仔嘅紙樣，都有搵到啲，不過有啲好似好難咁，作為初整者嚟講，都好驚整唔到。

終於係糖糖嘅提意吓，我已經決定左第一個公仔整乜啦，哈哈~~~就係好配合HALLOWEEN氣氛嘅JACK啦！睇落都好似好易呀！

我仲打算用上次去迪迪尼拎到嘅亞JACK貼紙做SAMPLE添。

依家所有野都齊晒，可以開始動工啦！

話晒都係第一次整，加上我嘅手工藝一向都唔係太好，唔知我可唔可以成功呢？

希望可以好快就俾我個靚靚製成品俾大家睇啦~~