年初二的節目

又要一早起身，因為要入去新界錦田同大肥豬婆婆拜年！

好在依家交通都算方便，坐車入去都好快，不過成程車我都只係訓覺，所以實質車程幾耐都唔知呀！

入到婆婆度真係好凍，凍到我都唔想四圍行，只係留左係屋入面睇電視，其他人就出左去空地打麻雀，真係好佩服佢地好似唔怕凍咁，完全明白乜叫打麻雀能醫百病呀！哈哈哈~~

我地坐到差唔多四點就走人，返去奶奶度食飯。

食完飯就陪D小朋友玩吓魚蝦蟹，都知今年冇乜運，玩幾毫子一鋪嘅，都可以輸十幾蚊。唉...真係黑仔王是我。

不過唔緊要，最緊要大家開心嘛！