諗起都咁開心

為左要攪間新屋，同埋第一年新年要係香港過，所以我地都未去渡蜜月，唉…見到好多同我地差唔多日子結婚嘅朋友仔都已經去完旅行番嚟，仲POST晒上網，都有少少唔開心呀！

不過.....一諗起就今年個復活節假期就超級開心，因為我地個蜜月旅行決定左會係依個假期去啦！哈哈哈~~

係新年前我地都去行過吓D旅行社，睇吓個行程，不過就好似未有心水同個價錢都未出，所以打算過左新年再去睇。

依家過左新年假期，所以又可以去睇吓D 旅行社嘅行程啦！

但之外睇過，間間都好似差唔多，同埋我地都唔係太熟識，所以就想問吓大家有乜好介紹啦！

我地暫決定去東京，不過就一定係跟團(因為我怕自由行唔識路呀！)，主要都係想去玩..玩..玩，有乜樂園好介紹呢？有乜地方係去東京必定要去呀？同埋跟邊間旅行社好呀？大家俾D意見我啦！唔該晒！

不過..仲有一關未過，就係我老細啦！唔知佢批唔批我成復活節假期都放假，真係有少少擔心，希望冇問題啦！要等佢星期一返嚟先可以問佢呀！

唔理住啦，揀定團先，都時一OK就去報名！

真係...諗起都開心呀！