睇錯天氣著錯衫

今朝起身....都因為時間關係，所以好衝忙咁梳洗啦~

當我想換衫嗰時，未去睇電視依家係幾多度，睇吓著乜衫嘛！

當我睇到係17度嗰時，咪唔諗住著件大褸，快快趣趣換衫返工(因為已經遲左少少啦)。

點知...當我等車嗰時，越來越唔對路，點解咁凍....仲要係D風唔知係邊度吹過嚟，真係幾辛苦呀！心諗冇理由呀，17度..就算冇太陽都唔會凍成晒呀！不過因為已經遲緊到，所以唔理啦~唔番屋企換衫啦~

跟住我一番到工就去天文台個網睇啦~~原來係自己白痴左！天氣係13度，最高溫度17度。

今日成日都凍到震震吓，成日個頭都勁痛，都唔知係唔係凍親呀！

今日真係傻啦~~下次睇天氣真係要小心D呀！我剛剛先可以話病好，我唔想再病呀！

大家都係呀~~依幾日天氣唔係太好，記住出門口著多件衫呀!!唔好學我咁傻呀！