德福廸士尼

尋日終於去到德福商場影相啦！

原本以為過左聖誕節就無機會去影相架，點知尋日大肥豬話同我去行吓，我地仲影左唔少靚相呀！成個商場都佈置得好靚，真係有D似走入童話世界裡面！

唔知係唔係星期日兼元旦關係，所以真係超多人。幾個主題公仔真仔圍滿晒都係影相嘅人，我地都等左好耐先排到企係D公仔前影相呀！不過…都真係好靚呀，等都覺鬼值得呀！

但唯一覺得有少少唔好意思就係好多都係D媽咪幫佢地女女影，我自己好似有少少超齡感覺...我仲成日叫D路人幫我地合照，雖然我知道大肥豬都好似有少少難為情，但唔理咁多，影靚相緊要嘛！