由籌備婚禮開始到現在，網誌都有十年了。一位全職傻媽及親子博客，喜愛利用網誌記錄我家嘅親子育兒及烹飪食譜。 讓Kinsey擁有一個快樂童年是我的目標，繼續分享我們這一家的生活傻事，見証Kinsey的成長。
哈哈...原本要下星期六先有得拎細相簿，點知...今日有的提早拎，真係超爆開心呀！
今朝十點幾收到新天地打嚟話有得拎，想同我約時間，我當然立刻約今日啦！於是立刻CALL大肥豬約佢放工去拎啦！
因為要放工時即刻去九龍塘，怕時間唔夠，於是就用自己LUNCH嗰時的士來的士往，番屋企拎單，準備一放工就去。
當我約好晒之後，成個人都真係既興奮又擔心。興奮就係可以有得睇番自己個靚樣....(唔洗成日都睇住相版嗰六張)，擔心就係好怕唔知會影成點，因為我揀相嗰日都真係冇乜心機，好怕高興越中失望越大....
今日成個下午都完全冇心機做野，我個心已經飛左去新天地啦~~
好在....睇到本相簿，都OK呀，唔錯！只係覺得自己好肥呀！
我諗依幾日我都會好忙，因為.......我會成日睇住我依三本細相簿，有成58張，可以慢慢睇啦~
下一次....就要等到3月中就可以拎埋其他野，油畫啦、底片、大相簿(超期待，唔知佢會執到我個怪係點呢？因為細相簿係未經修改).真係~~又係要等。
等我SCAN幾張我最LIKE嘅相俾大家睇吓先！
↓依張用左嚟做大油畫
↓我好鐘意依個宮廷晚裝呀！不過最衰就係影到我對肥手臂呀！
↓我都好鐘意依張嫁，不過大肥豬條呔俾攝影師拎走左，成個FEEL好似欠少少呀！
我部電腦終於都回歸啦~~
唔覺我部電腦都整左成四日啦~原先應該可以係星期六有得拎啦~
開頭都以為係個WINDOW有問題，諗住FORMAT左個C DRIVE就得啦。點知整整吓，佢地發現，原來部電腦中毒太深，成個HARDDISK都有問題，終於....成部電腦都要FORMAT過，再整過先要咁多日......不過慘在好多野之後有冇BACKUP，冇晒啦~
話事話，佢做我生意都好慘呀！因為聽佢講原來我部機D毒過左入去佢地部外置HARDDISK，之後又過左去其他客人部腦.....總之大傳播啦~
聽完佢講，都有少少唔好意思，但唔關我事嫁~我都唔想~~~我都唔明白點解會中毒...
大肥豬成日罵我係因為不停DOWNLOAD先會中毒，我諗我依排玩電腦都真係要小心D呀！不過都係暫時性啦~轉頭我又會瘋狂DOWNLOAD呀~~
尋日一放工就番屋企繼續整我部電腦，到試過根據我同事教我個方法整，都係唔得呀！最後....唯有用最衰嘅方法 - 自己搬落樓下商場相熟嘅電腦鋪仔叫佢幫我FORMAT個部電腦呀！
都真係幾慘呀！要自己一個人拎住一部電腦，都真係幾唔方便嫁，好在D路人都好好，都幫我推吓門，等我唔洗咁麻煩。我都覺得原來人都係有同情心，不過就好似有少少尷尬....
講番D激氣野大家聽先，事原當我搬到去間鋪頭時，幫我整開嗰位哥仔唔見左，鋪入面只係得一個新面孔同一個婆婆，我當然係問點解唔見左嗰位哥仔啦~點知阿婆好串答話：你有乜重要事呀，你可以問依位職員，你都係整機，佢都可以幫你啦~
之後我就同佢講：我幫襯佢好耐，想叫佢幫我整嘛！跟住阿婆D態度180度轉話：哦！佢去左幫客做野....要好晚先番呀~
我都搬左部機落去，我又急住用電腦，都要整啦~~
聽完之後都真係火到嚟埋，人地好心問吓，洗唔洗咁態度呀！一知我係熟客仔又轉晒態度，真係覺得佢好衰囉....
人地壞左部電腦都已經唔開心，仲要自己一個人搬，你仲要咁嘅態度，真係俾佢激死啦！
哈哈~~俾QQ Tag中左，之前都未試過玩，都係得個睇字，終於有得玩啦~~
等我乖乖地答問題先。
遊戲規則﹕將所有愛的問題誠實地答出來，不能說某某、所有和不知。答完後，請點名8位朋友繼續下去！
今朝起身....都因為時間關係，所以好衝忙咁梳洗啦~
當我想換衫嗰時，未去睇電視依家係幾多度，睇吓著乜衫嘛！
當我睇到係17度嗰時，咪唔諗住著件大褸，快快趣趣換衫返工(因為已經遲左少少啦)。
點知...當我等車嗰時，越來越唔對路，點解咁凍....仲要係D風唔知係邊度吹過嚟，真係幾辛苦呀！
跟住我一番到工就去天文台個網睇啦~~原來係自己白痴左
今日成日都凍到震震吓
今日真係傻啦~~下次睇天氣真係要小心D呀！我剛剛先可以話病好，我唔想再病呀！
大家都係呀~~依幾日天氣唔係太好，記住出門口著多件衫呀!!唔好學我咁傻呀！
今日食LUNCH時係精品店買嫁，係唔係好靚呢？雖然我唔係KITTY嘅FANS，但都覺得好合結婚用呀！
我知道係我結婚嗰日係要自己私底下派D利是俾幫我嘅姊妹，所以我一見到就覺得好靚，所以就買打算嗰日用啦~我D姊妹唔多，所以買2包都應該冇問題。
我都知好似係早左少少買，不過依排係新年期間，出左好多款新野，我怕到時先買...就冇得買呀。
你知啦~見到合用嘅樣就要買定先呀，到時唔洗咁麻煩嗎！
尋晚同LULU妹去左睇HOCC演唱會PART II，雖然大部分RUNDOWN同上次係差唔多，但都只能以一個字嚟形容~~~~正。
同上次一樣，差唔多一到D快歌位，個個都起晒身，拿住支捧捧跟拍字拍，全部人都HIGH晒，個氣氛真係好好呀！我自己都HIGH到唔識形容，嗰支捧捧係中場已經俾我拍到漏晒氣，跟住下半場全程用手拍，散場時對手就好似麻痺左，真係好開心。
今個最演唱會新加入的一PART，亦都係全晚HIGH嘅環節。HOCC著住一件令我諗起梅姐既"裂焰紅唇"嘅歌衫，加上一連串快歌串燒歌，真係好好正！原來HOCC係可以晒SEXY......真係另一個形象呀!
總括成晚都真係好好睇，雖然係第二次睇，但都覺好好呀~~仲唱到12:00先散場，真係正。
我真係越來越LIKE HOCC啦~
不過美中不足就係座我後面嗰位妹妹仔，佢真係比我HIGH十倍，成日都大聱尖叫，仲間唔中用佢支捧捧拍都我個頭呀！真係都幾慘！但我都明白佢都係投入，唔可以怪佢。但係.....座我隔離嗰個就有少少離譜，一入場就成大袋麥當當，佢又唔立刻食(嗰時仲有成15分鐘先開)，等到開場先食。當佢企起身嗰時，又一路搖身，又將個飽拎係手，真係好驚佢個飽整到我呀！
因為媽咪要去探朋友關係，所以今日嘅晚餐就由我、大肥豬同LULU妹陪佢食啦~所以我地一行四人就去左屋企附近嘅餐廳進行我地嘅晚餐。點知...都食左一面無奈同少少激氣呀！
我地都差唔多七點半左右入到去啦~當時都唔係有太多人，但佢地職員竟然要我地座門口嗰張枱(間餐廳好 ，入面仲有半間鋪未開)，因為度門成日又開又關，好唔方便，我地當然唔肯坐啦，等左一間，個職員好唔願意先肯安排我地坐入面。
我地一坐間，就已經ORDER好晒食乜野~~點知，隔左好耐，都冇人拎幾杯水俾我地，到我提個職員之後，都隔左一段時間先俾我地。我唔係話嗰幾杯水嘅問題，只係覺得好似俾人遺棄嘅感覺....
到我地晚餐到.....我ORDER嗰時都好強調LULU妹個餐係要洋蔥汁同埋要番茄飯，點知佢地又送錯左黑椒汁同白飯，叫佢換過，個態度又超差.....
第一次食木糠布甸，係幾年前係澳門，嗰時覺得好好味，好似雪糕口感
。我仲一次過食左三杯，仲俾大肥豬話我為食。
前幾日，同事糖糖整左木糠布甸俾我食，真係幾好味....於是我就問佢點整啦~~原來係好容易，於是我又學人整吓啦~
真係好簡單，買三樣材料就OK啦
好在我在攪拌機同撥蛋器，所以D餅碎同忌廉都好容易整，不過最難將餅碎同忌廉要一層一層舖好，都有少少唔平均。
睇個外觀都好似幾似樣，依家要放左入雪櫃，等我地去完街街番嚟就有得食啦~
好勁張~~~唔知好唔好食呢？
好在大家都覺得好食，爸爸仲好快咁食晒成杯(原本佢係同媽咪兩份)，仲話口感唔錯，真係有少少成功感呀！
今日終於都BOOK左我地大日子嘅攝影啦~仲落左訂啦！
首先多謝各位姊妹所提供的資料，今日我同大肥豬都行左金都好耐，都考慮過，最後大肥豬都決定BOOK番我地上次睇過嗰間 ~ 新婚天地。
主要目的係大肥豬知道佢地有幫帝廷酒樓做嘢之後，曾經打過電話問佢地個經理依間公司D反應，得出一個都幾滿意嘅答案。加上大肥豬覺得佢地個D相版都唔錯，所以就決定依間啦！
我都唔知係唔係真係好，嗰日話晒都係一個重要日子，唔想有冇問題出現。不過大肥豬決定用依間，我都要尊重佢意見。唔好成日都係我決定所有野，俾D佢話事啦！
就係咁，我地又解決多樣野啦！嚟緊都應該可以休息一吓，唔洗再諗結婚D野。
我諗住過左年之後再開始找租衫地方......之後再辦D濕碎野。
今日真係可以話勁休息嘅一日呀！
今日爸媽佢地去左朋友屋企，大肥豬又要OT，所以成日都係得我自己一個人係屋企，都有少少覺得寂寞呀！
不過...我都好懶....訓足成日，訓到個人好似浮浮腫腫，傻吓傻吓
頭先大肥豬打電話問我，點解今次一個人係屋企都冇發脾氣，冇唔開心。
我當時都冇答佢，因為我自己都唔識答。
我之前都好唔習慣一個人嘅感覺，依家諗真吓.......有時候一個人可以真正嘅休息，乜都唔理，鐘意做乜都得，都幾好呀。加上大肥豬都係為左做嘢先陪唔到我，佢去玩就話唔開心，做野緊要嘛，我又點可以發脾氣呢！不過一兩日就OK，多幾日.....我怕我會悶死呀！
我真係發覺自己越來越識諗......唔通我依家先開腦！
好擔心呀~~
真係俾地嚇死啦~基本上，上網都冇乜問題，我用電腦掃過吓毒又冇事。冇理由呀，我都唔會隨便上一D唔安全網站，冇理由會變成咁..
都唔知仲乜，依排塊面勁生粒粒，生完一粒都仲未謝，係隔離又生。不過佢地都集中係我塊右邊面，真係好唔開心呀！
尋日大肥豬知道佢考試成績啦~~佢終於完成左佢個大學課程，可以戴四方帽啦~~
！
其實都已經唔舒服左好幾日，加上依幾日又轉凍左好多，可能我著得唔夠衫啦！
希望唔洗啦~
