個景好靚

依幾日睇『肥田』，成日播係芝柏嗰度拍外景。見佢地D景真係好靚，尤其係嗰個教堂，真係超靚。睇完之後真係好想心思思去芝柏影多輯呀!

其實，一早大肥豬已經講左我地影一輯就OK，除非新天地嗰輯完全唔得，先考慮影多一輯(佢個理由係我地重質不重量)。

我個心真係好15/16~事關我又好想影多一次(應該話個個都想影多幾次，因為影相真係好開心)，但即係話新天地嗰輯唔好啦(我覺得應該冇乜問題)，但我又唔想呀!真係好矛盾啦~~

經我不斷催眠，依家大肥豬就有一個定案，佢話將個機會交俾個天決定，如果我地中到六合彩四獎左右，就將D獎金用嚟影多一次啦~

所以，依家真係要求神拜佛，希望可以實現啦~~

講時講，我今個星期日就去睇相版啦~依家心情真係好緊張呀!唔知我D影靚唔靚呢?