驚喜的晚餐

依家係大肥豬嘅博殺期，佢好忙做功課同溫書，我地都好耐冇見啦~~

今日佢仍然係好努力返學校做功課，我就同媽咪去行街街。當我地買好晒夜晚嘅餸，返到屋企嘅時候，大肥豬就打電話俾我，佢話已經做好晒，走啦~問我想唔想同佢食飯。我緊係扮晒左話唔好.......點知佢話已經係搭緊車嚟緊啦~

我聽到真係幾開心。不過媽咪話我地買嘅餸唔多，驚唔夠。之後我說諗諗吓叫大肥豬上嚟前去街市買少少瘦肉同冬瓜，用來滾栗米湯。我開頭都怕大肥豬唔肯，因為佢未試過自己一個人去街市買野，我怕佢唔想呀!

點知......佢一口答應，仲幾好，買埋燒肉加餸。

今日真係好驚喜，一來冇諗過佢會來食飯，二來佢竟然自己去街市買餸呀!