溫馨兩口子

今日放工番屋企，見到個奇景呀~~~

一打開度門，見到媽咪成身都圍住白色垃圾袋......原來係爸爸幫佢染髮！

因為媽咪今個星期要返大陸飲，爸爸成日都話佢個頭好多白頭髮，俾人見到唔靚哦，所以就幫媽咪染髮啦~

其實媽咪話佢唔介意有白頭髮(佢話個女都就嫁啦~年紀都唔細啦~仲扮細呀~)，唔係咁想染髮。不過佢見爸爸誠意拳拳，同埋爸爸好少咁有落手落腳去做，就順佢一次啦~

我睇住爸爸幫媽咪染髮個樣，真係好唔同。因為平日爸爸俾我個感覺係好MAN，但佢頭先個細心樣，真係好唔同。原來爸爸都有溫柔嘅一面。睇到佢地，真係覺得好SWEET SWEET呀~

唔知第時我同大肥豬會唔會好似佢地咁SWEET 呢?