科大一天遊

尋日係嘉汶表妹嘅大好日子，佢完成左個大學課程行畢業典禮啦~真係好開心呀！我地由細個開始D感情都好好嫁，加上佢又乖又叻，我同媽咪都好錫佢呀！不過最衰我要返工，出席唔到佢個畢業典禮，有少少遺憾，所以今日我同媽咪就陪佢番學校去影相啦~

一踏入學校門口，已經見到好多個著晒畢業衫，又拿花又拿公仔，見到佢地個個都好開心，自己都感染左D大學生心境呀！

嘩~~原來科大真係好大呀！我地由山上行到去海邊，行到邊影到邊，去左好多地方，影左好多靚相。

最後，我地去到圖書館影完相之後，我就叫嘉汶表妹俾件畢業衫我玩吓，等我扮吓嘢呀！真係好攪笑，我同媽咪都玩到傻左，以為自己真係大學畢業。

最後同嘉汶表妹講句：恭喜~~恭喜