【簡易食譜】牛油檸檬焗三文魚

22 OCTOBER 2020(THU)

之前除左研究左要俾多啲雞肉小小豬食之外，原來三文魚都係好啱食，因為當中嘅Omega - 3除左可以促進心血管健康之外，當中共有大量鈣質，對骨骼生長同促進眼部健康好有幫助。嘩..即係即可以增高又得護眼，仲唔係啱晒小小豬，咁就緊係要俾佢食多啲啦！

買完盒三文魚柳返屋企之後，見屋企粒檸檬都太熟了，所以就簡單啲，嚟一個牛油檸檬焗三文魚~

Wild Canadian加拿大天然野生三文魚都係因為Organic Plus做緊加拿大節優惠買3件有85折買嘅。佢地係由太平洋無污染嘅海域以拖釣方式捕獲，令三文魚能達到可持續供應 · 當中無添加化學劑、抗生素或激素，但又有豐富Omega - 3脂肪酸和蝦紅素。唔怪之得魚身都會比較偏紅，原來係正常嘅。

有機三文魚柳兩件、露筍一扎、檸檬一個、牛油約20g、蒜鹽2湯匙、香草1湯匙~

露筍先切去尾部較老部份，然後洗淨抹乾，要用約1湯匙蒜鹽調味~

待三文魚柳完全解凍後洗淨，抹乾水備用~

然後用1湯匙蒜鹽及香草放入三文魚柳內醃最少30分鐘~

先係爐盤上放上露筍，將三文魚柳放面，然後再加入牛油~

將半個檸檬渣成汁後淋係三文魚柳面，再放3片檸檬上面~

放入已預熱200度焗爐，焗13-15分鐘(需要視乎唔同牌子嘅焗爐熱度來作出調整)~ 

焗好出爐就食得啦~

三文魚肉再加上檸檬汁，酸酸地都好醒胃。最令我驚喜係焗完嘅三文魚肉都唔會"鞋"身又冇縮水，食入口啖啖肉都唔錯，令我對急凍三文魚即刻"叮"一聲，之後可以再入手啦！