【健脾化濕】五指毛桃杞子圓肉瘦肉湯

3 APRIL 2020(THU)

依排天氣濕濕笠笠總係好易令人攰攰咁，做咩都冇乜心情，我估都應該係濕氣所致，所以就去請教藥材店姐姐，佢就教我煲以五指毛桃為主嘅湯，除左有助祛濕之外，仲有安神強肺同健脾胃嘅功效，啱哂一家大細飲。

有咁多好處就當然要快快手執返一份材料，煲啖靚湯三口子飲啦~

五指毛桃二両、沙參半両、玉竹半両、伏神一両、淮山一両、杞子約一湯匙、桂圓半両、炒南豆一両、紅蘿蔔一條、粟米一條、蜜棗三粒及瘦肉約$40~

所有材料浸洗20分鐘~

紅蘿蔔去皮切塊，粟米洗淨切段~

瘦肉洗淨汆水~

煲內放約3L水，待滾起後加入所有材料~

繼續用大火加蓋煲約15分鐘~

之後轉慢火加蓋煲多1.5小時~

最後加鹽調味，就可以飲得啦 ~

以下係各食材嘅功效，可以參考一下呀(網上資料)： 

五指毛桃 - 有益氣健脾作用，强身健體，行氣化濕功效。 

沙參 - 有助養陰清肺及益胃生津。 

玉竹 - 則能養陰潤燥，生津止渴。 

伏神 - 有寧心安神、利水的功效。 

淮山 - 健脾開胃，其他好處為治療久泄久痢、肺氣虛燥、及消渴尿頻等症。 

杞子 - 滋補肝腎、益精明目功效，及提高身體免疫力。 

桂圓 - 開胃健脾、養血安神、壯陽益氣、補虛長智的功效。 

炒南豆 - 能健脾化濕、消暑去水腫。 

紅蘿蔔 - 就有助健脾消食，同埋化痰解毒。 

粟米 - 健脾和胃，利水通尿，益肺寧心。 

蜜棗 - 止咳潤肺、化痰平喘功效。 

溫馨提示：
 - 由於個別人仕體質不同，所以大家記得煲之前了解下自己，如有疑問，請先向註冊中醫查詢！