【突如期來的小慶祝】小小豬農曆生日

2 AUGUST 2019(FRI)

有個小朋友今日成朝都係度古古怪怪，間唔中又係度自言自語話咩...蛋糕。我睇見到都真係有啲唔對路，終於忍唔住問佢究竟係咩事，依隻傻豬最後怕怕羞羞咁話......原來今日係佢嘅農曆生日哦~

聽完豬大少講咁講我都半信半欵，所以就去檢查日曆，原來又係真哦，所以近近地係屋企樓下買個雪糕蛋糕，等隻豬仔開心啦心啦~

其實呢....我地一向都係慶祝新曆生日，加上我地依啲新潮人又點會記得農曆日子呢，所以對農曆真係完全一啲冇印象，真係唔明白小小豬點解會知道呢？

不過見到依隻傻豬仔見到蛋糕個開心樣，都真係暫時唔諗咁多啦~

都真係依隻豬仔仲好認真話要MAKE A WISH添~

但.....其實我都真係好想知佢係點知，問佢又唔肯講，絕對係一個......謎~

不過謎題終於解開了，原來佢早前聽到我地話同公公慶祝農曆生日，所以就知道左農曆生日都係可以慶祝，就係咁....佢自己上網CHECK返佢嘅生日日子，知道今日係佢農曆生日啦！

對住依隻豬仔真係唔知好嬲定好笑，不過佢肯自己上網搵都證明佢有一定嘅求知慾，都係一件好事嚟嘅.....只係......依位騙徒嘅手法越來越高名，咁就呃左我一個蛋糕，唔知下次又想要咩呢......哈哈哈！