29 AUGUST 2019(THU)
一嚟到小小豬就已經俾門口嘅大鬼鬼LEGO吸引住,佢不停問我究竟點可以又砌LEGO又打機呢~
嚟到負責姐姐就先俾個地圖我地,叫我地搵下有幾個Check Point去捉鬼鬼~
今次全新嘅LEGO Hidden Side™系列總共推出左八款,就趁活動未正式開始時,我地去快閃睇下啲砌成品啦~
活動就由哥哥為我地示範LEGO Hidden Side APPs捉鬼鬼開始!
嘩…原來依家嘅LEGO可以咁高科技,只需拼砌好左LEGO之後,再下載LEGO Hidden Side™ APPs,咁就可以利用手機掃描LEGO,然後就進入虛擬實景可以開始玩啦!鬼鬼嘅出現同數量會根據當時嘅現實場境同埋門窗開合有所唔同,所以每款場景嘅觸發點都不一樣。另外加埋LEGO人仔一齊又可以有唔同嘅進行改變添呀~
LEGO Hidden Side™ App仲會因應唔同節日而更新,咁啲鬼鬼就可以長捉長有~
遊戲仲有另一個玩法,就係當成功捉到鬼鬼之後,就可以過玩遊戲進行訓練,同時亦可透過ONLINE形式,可以邀請埋其他朋友仔一齊玩呀~
聽完哥哥介紹,依隻心急的小小豬已經急不及待去CHECK POINT搵砌好嘅LEGO模型捉鬼鬼啦~
睇住佢玩又真係幾刺激同緊張,依個爛玩豬就緊係話正,仲叫我唔好嘈住佢添(真係俾佢激C)~
小小豬今次絕對係超級興奮,因為佢玩遊戲時抽中「幽靈快線列車」,可以返屋企砌LEGO繼續捉鬼鬼啦~
老實講,平日我地唔多俾四眼豬玩手機遊戲,好怕佢會沉迷之餘又會令佢近視加深。不過...佢都準備係四年級生,都唔可以再當佢係一個BB,係適當嘅時候只要佢唔沉迷上癮,又會俾眼睛休息的話,都可以俾返啲大個仔遊戲佢玩嘅。
咁今次活動佢又真係做到適當嘅時候俾眼睛休息,又知自己玩左好耐手機係要適可而止唔捉埋最後兩隻鬼,都叫做有點自制能力,所以下次就再繼續俾佢玩啦!
沒有留言:
發佈留言